louis2422

其實都唔係咩怪事黎o既~
o係屯門田景邨一棟大廈~
某一隻翼o既樓梯呢~
我有一段時期就以行樓梯減肥~
好多時都會搭lift 落到去最低層行番上去自己屋企o個層~
多數都係日光日白落..因為始終都驚後樓梯唔知有咩人~
但係有一次就因為下晝唔得閒....入左黑先落去....好奇怪....
去到一層接近我屋企o個層~個人好似好涼咁~
正常道理~ 我由底層行上去只會愈行愈熱個人-.-
但係一去到o個層..我就覺得寒寒的~
可能係因為知道o個度有人跳過樓~
所以有d 心理影響吧~
之後幾次都係........
跟住o係我而家減肥成功之後就唔敢再試了-.-就算有時..係想落去底層..
都寧願...搭lift 落到地下先再轉第2層o既lift

雲佬

係田景?邊座先?我住田景?架!!
行行o下樓梯會好寒,又真係幾怪wor

Marcus19

我岩岩....  唔知係咪... 撞到果d野..  
我係響旺角新X紀廣場番工。咁我今日好似平時咁推住架車倒垃圾。
今日因為比較多垃圾就同一位女同事一齊倒。
首先我地要搭貨"車立"由３樓落Ｂ１。　
會停GE層數係  ５[*相等於４]＞３＞２＞１＞Ｕ１＞Ｂ１　
我地由３樓落Ｂ１都冇事架,直到由Ｂ１上番３樓怪事峙就黎喇．．．
我地按３字樓部"車立"冇反應... 度門只係關左又開關左又開咁.. 我地不斷咁按關門同３字樓...
太約關開左2次佢就郁番.. 不過係去左１樓..我地再按３字樓同關門,
我地果時以為好普通的壞"車立"... 不過今次係落番去Ｕ１.. 門打開.. 冇任何事....
我地只好再按３字樓同關門... 怪事就黎喇...
部"車立"上番１樓.. 門打開... 我地果時已經好驚..  我地唯有不斷按３字樓同關門...不過今次部"車立" 就冇上上落落...  只係度門不斷咁開開關關...  我地已經驚到講唔到野...
只係識不斷按關門同３字樓... 度門太約開合左6-7次, "車立"門再冇開開關關...
３字樓GE燈都著左..我地睇住d字由Ｕ１轉去２,我地以為可以係3樓走GE時候....
部"車立"冇係3樓停... 上左聲5樓.. 果時真係好驚好驚....  
直到我地聽到意粉屋廚房轉出黎GE人先至沖番出部"車立"... 行扶手電梯去番3樓。
唔知係... 果D野玩... "車立"...  定部"車立"... 真係壞左呢...?  >"<

KENNIX

講問升降機怪事, 我都曾經試過經歷, 係我六年級時因要補習關係,時常會係6點半左右回家, 有一晚正直係農曆7月, 我同我細佬一齊補完習回家搭lift時, 因貪玩原固我同細佬扮鬼叫聲, 點知係life頂風扇位真係有把聲"唉..........", 第一聲諗住可能係風聲, 點知聽多一陣我同細佬覺得唔對路, 即刻收聲大家對望, lift門一開我地即刻9秒9沖回家, 之後我地再冇再扮個d聲, 到現在諗起都有d毛骨悚然~~~

youmiki

我撘電梯未試過有奇怪的經歷,行樓梯都冇, 只係個電梯門開左好耐, 唔識close, 應該係機器壞左o車, 撘左第二部電梯, 我屋企大廈的樓梯幾開揚, 所以又唔覺有怪事發生.

mawunlam

我都有試過呀!! 前幾年我每日都會去阿"女麻"屋企食飯. 去到大概9點就會回家.每次我行到去lift口, 架lift就會自己開定門等我~"~初初冇留意, 點知這種情況維持左兩個星期"" 咁就越搭越驚啦>"<有一日我就同我阿"女麻"講, 佢叫我試下講"唔該借借,細路女唔識世界". 講左3次左右先冇事呀...好彩冇惡意~"~

野原•新之助

諗落又好似有,不過唔知係唔係.
我有日掉垃圾啦,咁就拎就兩袋野行去升降機果邊,
點知部升降機岩岩好又開左門wo,入面係冇人既,
咁我都冇點理啦,回頭行行下5-6秒,
有隻白色好似煙咁既物體起我左邊面飛過,
記得好清楚塊面係對住我既,應該係女既,
跟住就飛左入走火通道入面唔見左啦.

吳郭魚

我個ｆｄ就試過，我就冇．．．
佢係住１４樓ｇａ，一到左佢緊係出ｌｉｆｅ啦
點知佢話有ｄ氣推住佢，佢行唔出去ｗｏ
好彩當時佢呀媽擔心佢點解咁夜都唔番，所以開左個電視睇住ｄｌｉｆｅ同大堂
見到佢企係ｌｉｆｅ門口唔郁就出去睇下啦，佢呀媽一見到我個ｆｄ，我個ｆｄ就仆左出黎啦

焰之火

試過...因為升降機要維修，inside地下都轉左係木板，所以行入去時特別大聲，郁一郁都聽到木板聲。我如常入去，一個人都冇，點知一關升降機門，我就feel到好似好多人
o係升降機，因為由我入去開始，我就聽到好多木板聲，但係我o係升降機度差唔多一步都冇郁過；而我所聽到的聲，就好似有D小朋友o係升降機度跳來跳去...到出o左升降機時，我o係出面見到升降機度，有2-3個小朋友對住我揮手......
PS.o個2-3個【小朋友】面無血色的...........

天使號角

沒有撞過野 but入吉lift果陣成日覺得右邊有d野>_< 通常企左邊 尤其是夜間......>_____________<