|
 
- UID
- 53504
- 帖子
- 63
- 精華
- 0
- 積分
- 10125
- 代幣
- 10062 元
- 評級
- 0 分
- 閱讀權限
- 50
- 來自
- •天涯•
- 在線時間
- 0 小時
- 註冊時間
- 2004-12-18
- 最後登錄
- 2006-6-30
|
1#
發表於 2004-12-18 06:31 PM
| 只看該作者
大家好，我係阿康，我係一個中學生，相信中學時期大家都聽唔少，但我同我既同學就係親身經歷。
我就讀於荃灣一間位於城門水塘附近的中學，本校除課外活動及公開考試誠績優異出名，鬼故亦好出名。我校球隊經常練習到7時，一位師兄同我講，佢中二果年，入冬後既一日，打波打到7點，諗住去地下廁所洗個手就返屋企，因為要攝番好Ｄ衫，所以師兄就先行入Ｄ，所以知道個廁所咩人都無。師兄見得閒，慢慢攝衫，點知突然佢聽到一Ｄ低吟聲，師兄開頭以為有人玩野，點知後來仲變成一Ｄ喊聲，師兄好驚，就跑出校門返屋企.....
另一個係我親身經歷。我學校既廁所，以5樓同6樓既男廁最乾淨，因為一層係圖書館，一層係lab，都較少人用。一日大約2點到，我貪乾淨就去左5樓圖書館既廁所，當我o係門口準備入去既時候，透過廁所入面既鏡入射，見到一個人影既背面，呢個時候我都無咩野，但我入到去既時候，竟然一個人都無，咁我就以為係有人入左廁格(total 3格，個時一格係關上)，所以我都無反應，仲去照照鏡，點知就o係呢個時候，果個廁格度門慢慢咁開，即係廁所一個人都無？咁我見到既係.......然後我就急急腳走左。
第三件，亦係最真實既一件，一日成班班會既同學留校留到7點幾，準備一個比賽(我都唔記得在係咩比賽)之後做到7788，就出左走廊吹水，吹左半個鐘到啦，就諗住返去拎書包返屋企。點知課室竟然開唔到，但明明叫左校工唔好銷門住，更恐怖既係，我地o係門上既窗仔望入去，竟然見到一個白色無層次既人型物體(靈體)o係壁報板徘徊，根住即時大叫，嚇到不論男女都拔足狂跑，跑到走廊既另一頭。而好彩既係銀包根身，根住就書包都唔拎，搭車返屋企，個書包留係度。而一行人都決定暫時唔好同任何人講......直到幾年後既今日，我先放係呢度講。
其實點解我間學校咁猛？有好多解釋。一說係日治3年8個月時期，梨木樹、城門水塘未發展，極之偏僻，而日軍攻佔重要據點城門水塘後，曾以山腳學校原址作屠場、集中營及亂葬岡，所以不少怨靈及陰氣。另外一說是山頭野嶺，其實很多沒有被發現的死者，所以加上人氣少，故特別多靈體聚集。不論原因為何，靈異經歷在我的學校是個不爭的事實。
p.s.約於6,7年前，曾有我校老師沒有留下遺書下，及多於一名先後學生跳樓身亡，
因為原因奇怪，加上學校靈異歷史，已成禁忌，不會公開談論。 |
|
