迪士尼就脫帽事件致歉 香港, 香港迪士尼, 廣州, 政府, 狗, 警察

manman288

食環署人員上月調查迪士尼樂園疑食物中毒時，
被要求除帽及襟章，迪士尼承認做法不當，
向食環署道歉。


食環署助理署長勞月儀今早在電台節目中透露，
署方於上月30日派兩名衛生督察，巡查迪士尼樂園，
調查園內兩間餐廳懷疑食物中毒事件，園方職員要求他們除下帽及襟章
，以避免引起遊人不安，兩名督察沒有請示上司，自行決定除去帽及襟章。
食環署的聲明指出，署方非常重視此次事件，
並認為有關要求不可接受，已聯絡香港迪士尼樂園的管理層，
並向他們說明本署執法人員的職權範圍。
迪士尼表示，這次做法不當，保證不會再有同樣事件，同時就此道歉。
正在廣州訪問的保安局長李少光(相關新聞 - 網站)表示，
迪士尼不能凌駕於法例之上，任何人在港都要守法。
他否認港府與迪士尼有任何特別協議，
他強調執法人員不可以除帽同除制服。

食環署見高就驚見低就喝,,
佢地拉小販捉垃圾蟲就好似大哂咁，
對住廸士尼呢Ｄ大財團,,,人地話除就除,,
就好似隻狗咁叫佢sit就sit，
真係影衰哂Ｄ公務員！！！
哈,,可能第日佢?火燭，死人?樓，
都要叫Ｄ消防，警隊，
除清光Ｄ制服先俾佢?入去救火同調查，
入面又可以賣丸仔同老番都唔使驚，有
米老鼠照住，警察都奈佢?唔何，
，想唔到連老鼠都烚佢?，特區政府顏面何存。

browneyes

個兩個職員點會咁笨ga~
人地叫佢除就除~
至少都打個電話返去上司問問先拉~

ezratse

哇哈哈哈，風水輪流轉，食環處也有被人欺上頭的一日！
一向不喜歡食環處的作事方法，因為有次見到十幾個職員圍住一個七八十歲的婆婆，說她作小販！大哥，人家一個老婆婆，用不用十幾人對一個？？？雖說是執法，但有欺負弱者的感覺！！！
迪士尼權力過大，無線有個特輯已經討論過了，想不到她還未開幕已有事件發生在香港迪士尼 ！！

soso128

要是我係食環署人員我會對叫除帽個位人仕講:對不起....我現在是執勤中,不能把帽同襟章除下！如有不滿請去投訴我！相信那食環署人員唔夠經驗而又冇胆個腦又唔夠快呵！

butn

其實最弊就係港府係disneyland o既大股東,
政府由幾年前就一直煲梗disneyland呢個金旦o既雞,
更加有點當佢神咁拜o既情況.............
樣樣野都遷就disneyland(如公路路牌竟然有商型機構logo;
入到去disneyland路牌色都轉埋係紫色! (一般係綠色))
咁攪法..............
兩個食環o既政府伙記又點會唔怕左disneyland o既高層,
要讓步就晒佢地呢.............