我噚日喺一本呢邊出嘅法文雜誌度睇到一段講地球冰川嘅報導,
我希望大家睇完之後, 可以對大自然嘅原有概念會更加了解.
我只係原文照譯, 如果譯得唔好希望大家唔好介意.
段嘢係咁講:
跟據一批珍貴並記錄咗阿拉斯加一個廣闊而又寒冷嘅地域嘅舊相片嘅資料:
發現呢個地域由過去一個世紀開始融化,
而呢個地域幾乎所有冰川都出現咗融化跡象,
喺一個佈滿住又實又厚嘅冰雪山谷之中，只凈返一啲湖泊同一啲岩層.
曾經荒蕪嘅冰雪之地而家已經被濃密嘅樹木所覆蓋.
地質學家將呢種變化歸咎於阿拉斯加北極氣候明顯變暖所致.
近幾十年跟據由衛星收集得嚟嘅資料同地質學家不斷研究所得出嘅結論,
阿拉斯加嘅冰川範圍正逐漸縮細, 並且有蔓延嘅跡象.
由U.S. NATIONAL PARK SERVICE (NPS) 連同
其他地質學家多年來影到數以幾千計嘅黑白相片得嚟資料,
最早嘅相片甚至可以睇到遠至1883年呢個地域嘅地理狀況.
呢啲資料相片可以比科學家同而家呢個地域作比較.
當研究人員整理呢批相片之後,
仲實地去咗曾經喺某幾百張相中出現過嘅地方再次拍攝.
地質學家喺12月16日舉行嘅 AMERICAN GEOPHYSICAL UNION MEETING上發表:
今次嘅比較結果係非常驚人嘅!
VINGINIA洲 - 美國地質勘探局(USGS) 嘅地質學家Bruce MOLNIA話:
喺今次嘅研究中發現喺超過千條嘅冰川當中, 只有15條仍有增長嘅跡象,
其餘嘅冰川都已經停止增長, 或者正迅速咁融化,
大部分嘅冰川嘅寬度減少咗幾百米, 並且向山上嘅方向縮短咗幾公里.
有好多地方更已被草地同樹木所覆蓋咗.
MOLNIA更話:
隨住冰川嘅消失, 我哋可以見到植物正以驚人嘅速度霸佔咗佢哋嘅位置!
現職於UNIVERSITY OF ALASKA - AT FAIRBANKS (UAF) 嘅GLACIOLOGY
嘅Matt NOLAN話: 一個明顯嘅原因在於20世紀全球溫度普遍提升咗至少1.5度.
NOLAN亦話: 除咗氣候變化, 冰川融化再無其他原因可以解釋喇!
NOLAN嘅研究小組而家正前往高緯度嘅冰川源頭,
並研究呢個地域嘅降雪量係唔係亦都同樣咁正在減少.
UAF 嘅地質學家Kenneth TAPE介紹:
於呢個州北部地域嘅冰原亦發生咗顯著嘅變化.
TAPE同其他研究人員跟據20世紀40年代石油勘探時,
將當時由直昇機所拍攝到嘅冰原相片, 並同而家再次喺相中嘅地域拍攝並作比較.
由新嘅相片可以見到, 呢啲地域嘅赤楊樹, 柳樹同白樺樹都以驚人嘅速度增長咗93%.
TAPE更話: 高密度嘅樹林阻住咗冰川嘅增長通道,
更改變咗地球上主要嘅高緯度生態系統嘅原有面貌。
我認為而家有好多國家都注意環保, 仲有好多植樹活動,
但係如果只有樹木增加, 而冰川減少嘅話, 地球都一樣會失平衡.
有好多國家之所以種咁多植物, 都係因為排咗好多廢氣同垃圾.
想比人知道佢哋做咗好多環保嘅嘢, 想用呢啲手段遮住自己破壞環境嘅行為.
當我睇完呢份報導之後, 我有以下嘅假設:
地球唔洗幾耐因冰川完全融化,
再無冷空氣去平衡溫室效應所帶嚟嘅高溫,
而樹木因為高溫所以陸續乾死.
直至地面上最後一棵植物都死埋,
只凈返溫室褢面所種植嘅少量植物,
但因只可生存於溫室內嘅關係,
所以要靠製冷機器維持溫室內合適嘅溫度.
因地面上再無任何植物可以為地球排出氧氣,
臭氧層洞口亦相計咁向四周伸展,
紫外線亦開始直接照射到人口密集嘅城市.
人類每日只能穿厚厚嘅防幅射衣物及擕帶合成氧氣於地面活動,
另因氣溫上升人類於室內地方増加使用冷氣機, 雪櫃等嘅製冷機器...
所有只可以維持少部份空間降溫嘅機器都會完全啟動,
到時地球嘅溫度亦因製冷機器所發出嘅熱力加快上升.
直到地球所有嘅冬天就會完全消失為止...
之後因溫室效應而得嚟嘅"人做夏天"就會成為地球唯一嘅天氣.
本來凍嘅地方會變熱, 而熱嘅地方會更熱.
唔洗幾耐之後, 就要進行一次"人類大移民"!
大家就要鑽入地底度住, 亦有唔少人選擇遷移到海底居住,
因為地面嘅氣溫唔再適合人類生活...
但係到時因為地底同海底嘅溫度同地面嘅溫度雙差太遠嘅關係,
會有好來嚟自熱帶地區嘅人受唔住太凍嘅溫度而被"淘汰".
再過多一段時間之後,
因臭氧層完全消失地面嘅溫度剌激到火山嘅活動,
計而引發地球上所有火山連環爆發,
地殼亦開始以不規律嘅方式移位,
到時會有好多住喺地底嘅人因被熔岩淹過佢哋所住嘅區域嘅而被"淘汰".
住喺海底嘅人亦因地殼移位被水流捲上水面活生生被太陽嘅幅射灼死.........
之後地面上因無臭氧層嘅保護,
氣溫好會比火更熱每日都會挖起火風...
直到地球嘅水完全被蒸發, 可能燒嘅嘢都燒哂嘅時候,
臭氧層再次慢慢咁再次形成,
過多一段時間臭氧層會回覆到健康嘅狀態,
(但係呢個狀態可能已經過咗唔知幾多百萬年之後嘅事)
到時人類可能已經進化成另一種形態唔再適合喺地面生活喇.........
我呢個假設唔知會唔會實現,
當然我都唔想人類會變成咁...
但係以而家人類所製造嘅"人做夏天"嘅方向推算,
呢個假設係會有可能成真嘅.
我好希望大家每用一種化學物品之前,
都可以為地球同埋居住喺地球上面嘅人類先唸吓再用.........
(我再次希望地球唔會變成我所假設嘅情況咁!)
你覺得如果大家繼續咁破壞地球嘅生態,
咁地球將來嘅命運會係點呢? |
發表於 2005-1-16 08:11 PM
| 
