呢排聽到好多關於良景村的靈異事件,我各得好正常因為個頭以前都好陰同好多怪事,我係第一批遷入大興村住的居民,房間方向正好向住一條農村「良田村」依家良景、田景村位置,我同D朋友一放學後就好中意去個處玩,不過一玩到旁晚就一定會走,唔係怕比家人鬧而係怕再次見到靈体,事原有一次我和朋友去玩(大約旁晚時份)忽然比一隻大狗追我地一直走,走走下隻狗突然停低仲轉頭走番入村,我地都覺得奇怪後來向前一望,見到我們前面的蕉林內有好多一個個類似人形的黑影飄下飄下,嚇到我地立刻走番屋企以後都唔會旁晚入村玩,另外良景村身後的菠蘿山一到夜晚不時會見到紅紅綠綠的螢火(以前未有良景村時大興村可直接望到菠蘿山),初時我以為係螢火蟲但係無咁大顆,當我一問父母他們總係叫我唔好望,後來有一個機會下我問到一個「良田村」的老村民(同學的爺爺)原來個D螢火係鬼火,以前菠蘿山一帶係日本軍同香港游擊隊戰鬥的地方死左好多人,所以佢地(村民)都不時見到鬼火同靈体,仲有菠蘿山上一帶都寸草不生,另外住屯門的朋友家知唔知大興村第三座「X泰樓」以前可以說係屯門區數一數二最猛鬼的地方,後來點解又靜下來相安無事,下次再同大家講. |