今日同兩個FD[潛]左入去 , 係冇[食蕉]把守既情況下慢慢參觀......
我地係由兵房上方既圍牆先爬入去 , 再經樓梯落去 , 一落到去最近既應該係一座座[工場]
地方都幾大 , 不過就得返D櫃同木架 , 跟住就行去另一邊既應該係宿舍同Office , 宿舍就比較
空曠 , 都冇咩木具雜物係入面 , 不過就係Office入面發現左兩樣野~~一就係一塊牌 , 好似寫住
西九龍咩咩叻吧.......唔係好記得個名 , 二就係一份1996年既天天日報=.="......
咁我地都見差唔多行晒又冇咩發現就閃啦....咁沿路行到落去之際又發現左另一邊既兵房,
其實我地都唔肯定 , 因為我地開頭都以為行晒先走 , 咁我地就行埋去鐵絲網裝下啦 , 當我行
到岩岩對正一條走廊之際 , 突然間聽到一下類似鐵器跌落地既聲 , 呢一下當然唔會嚇親我地
啦 , 於是我地又爬左入去 , 咁果度既房間就多數都上晒鎖 , 只有一間個鎖係開左 , 不過入面都
冇咩特別野 , 咁我地一直行返到有怪聲既走廊 , 入到去既就只有一間勁多塵同垃圾既房...
而有一間鎖左 , 不過就見到入面有一張好古老既搖搖Chair....不過因為入去既隊員只有兩個 ,
而我地既電筒都就冇電 , 所以都只係影左幾張相就離開.....
另外我地係入去有怪聲既走廊之前影到有一張有問題既相 , 因為d相仲係佢度 , 所以呢一兩日
會Post返上黎 , 大概係影到地下有一團藍色既光團.....而且我都想問返.....個地庫同d地道係邊
丫??好似唔多覺係打杖既地方既 , 反而似d比較舊式既警局 , 咩防空洞都唔多覺有... |
發表於 2006-2-12 03:36 AM
| 
