屯門山景的鬼故~ 小朋友, 鬼, 鬼故, 天水圍, 山景邨, 屯門

sumsum2

十幾年前，當我屋企人仲住係屯門o既時候曾經發生過好多目擊靈體的經驗...
個陣時我仲未出世(之後聽返我阿媽講先知)，個陣時我阿哥仲係得個2-3歲左右~(可能因為佢
個陣時年齡常淺所以經常見到靈體)，每次我阿媽係廚房做飯o既時候，佢都會眼定定咁望住
我阿媽。我阿媽本身覺得無乜野，以為個傻仔好奇吧了。但漸漸，我阿媽覺得佢個眼神並唔
係注視著她！！
有一次我阿媽終於忍唔住問我阿哥:「傻仔，你望緊咩呀?」我阿哥既然答:「做咩個叔叔成日
企係個牆角到拎住舊石頭既?」當然，我阿媽緊係俾佢嚇得不知所措啦！
另外，我阿哥小時好鐘意望街景，次次都望得好開心好投入似的。我阿媽以為佢好想落去公
園玩。但係就係極唔明白，我阿哥有陣時凌晨1、2點都好開心咁望住下面個公園。我阿媽就
同佢講:「夜喇，早d訓啦！咁夜唔俾落去玩架喇！」之後我阿哥居然話:「我想落去同其他
小朋友玩呀...」當然，都成1、2點喇...樓下o既公園當然係無人啦...自此之後，我阿媽都唔俾
我阿哥再望街景，之後我地仲搬埋去天水圍到住tim...
不過講開又講，早前返去山景去拜年，覺得山景真係好陰好陰。走廊開左燈都係好似好暗
咁...一入到去就係覺得好唔舒服呢！！

仇愁

唔~~~
我本身都住係屯門....
其實屯門好多地方都好陰....
好似話屯門好多地方都是日戰時期的亂葬岡......

小闊闊

我是媽媽也很害怕呢，
自己的兒子看到靈界的，
小朋友還小嘛，
還不知道什麼是靈界的嘛，
一會兒招野了靈界的就麻煩了。
我覺得屯門並不是處處很陰沉呢~
南屯門也頗美的，
離開市中心少少，
全都是住宅區，
又近海，
那個海濱公園，
既可遠眺大嶼山，
又可看日落和看星
真的很美。

西靈月

咁恐嚇????
我成日都要去山景嫁喎~~
我間學校就係山景....
不過..
我就聽過我d fd 講關於我學校個d鬼故..
我仲記得上個四年...
有個青少年跳樓..
係正我學校隔離棟公屋..
條屍仲係半攤咁挨住我間學校外牆~!!(即係好似坐在係地下..個上身挨住我間學校..)
好彩個時我仲未讀呢間~
都係d師兄師姐講既~(miss 都有講過~)
我d fd仲話...
學校個music room 同hall好猛..
話說有日阿sir因book唔到課室...
而唯有係music room 到上bio...
點知上上下...
個黑板突然有隻手伸出黎..
阿sir當然唔知..(因佢背對住個黑板)
但坐係到補課既學生就有d見到..
有d見唔到..
見到既大多都係坐後掛既學生....
跟住就講俾阿sir聽...
阿sir話係幻覺..
叫佢地唔好理....
但..之後..第二日
塊board上面就加多左一個board....
仲係move唔到既...
我問過why唔換左個board佢..
d fd話....一換...隻手就會出黎~
所以唔換得..
只有係上面加一層..
唔俾佢伸出黎....
(p.s...的確..係有新既五線譜board係舊既五線譜board既上面...兩塊係相同既..我唔知why仲要加一塊上去...又唔係爛左喎~~)
而hall就係有女鬼既人頭飛
有人試過..
上完周會後...
佢地負責收拾table & chair~
收收下..
聽到有歌聲...(why次次都係女鬼唱歌既??d 鬼個個都好likey唱歌?)
跟住就係hall既stage到....
個d布幕中見到有一把頭髮飛過..
佢地好驚....
但...行唔到...(驚到...)
跟住就有一根頭髮飄落某個學生個身到....
佢大喊..
跟住個個就鬼殺咁沖走晒~~
之後..仲有好多人見過..(聽d人講~)
我就冇喇...(當然都唔希望會撞到)
但...表面上...
山景.
就好似好正常..
係我眼入面~~^v^

我的天我的歌

我阿媽前年都仲住緊山景....
景美樓囉.....
果陣時我都成日入去既....
冇見過野....
唔....普通舊屋村咁.....
走廊都幾陰森咁....
不過就真係冇撞到佢地喇....
依家我阿媽搬左屋....
都係屯門...
大興囉....
勁近山景....
聽講仲猛囉....
D走廊仲暗就真既....
好彩....
冇聽佢講話撞到鬼囉....

神宮俊壹

富貴榮係舊樓,華安樂葉美麗係新樓!!我住左成10年都冇野啊,係間唔中夜晚有d怪聲咋,(都有單野o既不過遲d先講)而家搬左入天水圍仲係又近間凶宅添....=.=咪仲驚!!

purepureyin

下面引用由JLee2134在 2004/11/27 03:10am 發表的內容：
仲有呢...成日有人打wargame 個度~~
寶田呢....係唔係都有鬼故ga>???
其實係堅定流ga??

我諗係真架, 呢度既eden都上過恐怖熱線講呢單野啦~
我都係住屯門架,
以前0係山景做過野,
最記得係夜晚好悽厲既貓叫聲,
聽到都幾心寒架~

sopp

屯門係好多鬼呀
我自己都住左係屯門二十年,小學時在良景返學,不過小一時因學校有問題有成二三個星期去左市中心的其他學校上堂,那時學方話去水有問題,之後大左返去問返先生先知,原來在學校開課前一星期發現去水位比D長髮塞住,多次通渠後,都有長髮再塞返D渠!明明一早通好,第日又塞返!之後有一晚有一個工地保安見到在學校外見到在學校三樓有一個身穿白衫的長髮好人,她的頭髮還有好多白煙向上升,D頭髮重不停斷落!之後學校做左一場法事後就再冇啦!

WSWONG

以前睇"屋村xx錄", 提到TUEN MUN 其實風水好好, 不過越建越多工廠, 令到風水破壞

derrickman

=Q="乜山景咁[熱鬧]ga咩!?!?我仲住緊山景喎.......
頭先我睇到有人話半夜有猫猫既慘叫聲.....其實係兩隻猫猫[開心]緊既叫聲啦.....
我成日都聽到~~~
老實講 , 呢個世界邊度有人出現既就都會有鬼ga la~~~不過山景就唔多覺有咩[大件事]發生過喇~~~
仲有.....我都係第一批搬入黎既人喎=o="住左都有20年啦~~~~~
大家唔駛咁驚山景呢度啦~~~不過如果附近有咩地方有[可疑]既就搵我啦 , 等我得閒落開街就去[查証]下係咪咁邪先~~
係山景同良景之間既山丘上面有個山墓 , 果度我都上過去ga~~不過首先要通過一個密不透光既竹林先.......果次除左狂俾蚊咬之外就咩事都冇A_A"v