[請求協助]只問女會員 男朋友, 女友, 友好

porkchophell

我想問一下所有女會員.
係咩野情況之下你地會覺得你男朋友比壓力你呢?
如果你男朋友好愛你同好緊張你, 你會唔會感到有壓力呢.
因為本人覺得依個問題令我困擾好耐.
我想吸收意見.
再者我現任女友係first tim 拍拖.我好驚會比壓力佢.
但係我係好鍾意佢的.

chloechloe

適量關心就冇問題...
如果我夜瞓或者返工返學遲到ex-bf就會黑面加警告
因為佢迫得我太辛苦於是散咗
我想比嘅tips係:
對對方有咩要求應該冷靜輕鬆咁傾、互相遷就
如果對方做唔到就試下揾d方法鼓勵佢
仲係唔可以的話就睇下自己可唔可以就返佢
盡量避免發脾氣
你有幾關心佢佢會feel到嘅
唔洗太擔心
+oil 呀

野蠻女

我覺得唔過分既關心，唔過分既管住．唔過分既愛．
己經叫ｏｋ．關心係每對情侶都要既．但係如果過分關心．只會令到對方反感．
又或者可以咁講．每個人都有自己既私人野．你可能覺得．．
因為關心佢，所以睇佢ｄ野好正常．呢ｄ就係叫做過分關心啦．
過分既管住．我都明白到每對情侶都會有自己既朋友．但係可能拍拖期間．．
有一方都會好想見到對方．但係自己另一半就可能揀左朋友．而陪唔到你．
要明白到一樣野．大家都會有大家既朋友．係咪一定要管住大家唔比同呢個出去？
唔比同呢個人行街？咁樣落去．又係只會迫到其中一方好辛苦．
管係岩既．但係過分左既管就唔同．管住同咩人出街＜∼如果自己女朋友係花心開既唔同．管住幾點番到去？＜∼除非佢真係過度活躍到唔識番屋企個隻．
管住幾點要訓覺．＜∼第日要番工番學例外．有ｄ野過到自己過到人就ｏｋ架啦．
每做一件事既時侯，調轉一下黎諗會係點咯．咁樣大家都會開心點．

christywong

我個人比較鍾意男朋友煩..........
但係千奇唔好好似ar媽禁
日訛夜訛~~~
仲有~~鍚女朋友多d ar

porkchophell

唔~我唔會管佢同咩野朋友一起.
因為我地既朋友都係同一班.
我只係會叫佢唔好太夜返屋企, 因為佢話係屋企好有壓迫感.
同埋叫佢盡量唔好做功課做太夜,因為佢會為功課通頂.
但係如果我做太多? 會唔會令佢有壓力呢?

christhk

其實煩唔煩, 有無壓力係要睇你個女朋友既性格架喎.... 如果佢性格比較倚賴, 當然會想你多D提點佢, 多D用口講出你既關心.... 如果你女朋友係好獨立既, 過多既語言就會令佢有壓力, 咁你女朋友係乜野性格既呢?
我相信愛同關心無女性會嫌多, 只要表達得適當, 了解你女朋友既性格, 用恰當既方式表達, 佢唔單止唔會有壓力, 仲會全部接收到你真係關心佢.....

patsmng

本人會覺得與對方相處時，除了有適當關心及愛護外，也需要適當的給對方私人空間，如果對對方太過管束或時時向他/她報道行蹤，已經給對方一個無形的壓力，但最後給你一個意見，就是兩人相處在乎有舒服感覺已代表愛護及關心，在此祝密運成功。

nataliefu

曾經試過一次　當我和另一個男同學談笑聊天
我的前男朋友就一整天不理我　理由是因為我對他不忠心
那時我會覺得很大壓力　因為他連我交朋友的權利都干涉
証明他不信任我
但是有時間　當天氣冷了或是下雨　他就會打電話來關心我
這令我覺得很窩心的
所以要是你不想給女朋友壓力的話　最好不要干涉她跟其他男孩子交朋友的權利
不要經常查勤　讓她覺得你是不信任她　我覺得最重要就是這兩點了

wd3jam

我覺得你唔好比佢feel到你唔中ｅ佢囉...
但係又唔好２4小時搵佢喎...始終人係要有私人空間至好ge^^