愛上了一個年紀比自己大的某網站管理愛情故事(第二,新第三集出板了) 香港, 彩虹, 元朗, 西貢, 流浮山

happyfrank1

      第一集:

    事情經過是,係2005年4月16號約凌晨3點,我上了一個網站,我係果個網站見到果個網站既其中一個女管理既相..
  
    唔知點解果個網站好多女管理,而我就偏偏好留意其中一個女管理既相,一直就好留意佢既資料啦,例如叫咩名呀,生日日期呀,電郵呀,再留意下,原來連佢既icq號碼都登埋出黎堝..

    之後我係3點08分就好自然地咁add左佢啦,  之後果3日都一直好想佢add番我,好想佢online ,好想佢同我傾計, 等左佢3日後, 終於等到佢的出現..

    到左4月19號0時12分,我見到佢online 就立即打左句"hihi..nice to meet you" ....之後好開心佢係2分鐘後add番我............

   如果想知佢add左我之後傾左d咩? 請留意下一集的故事內容啦....

   下一集的故事內容預告是:  我同佢既緣份就由佢add左我之後開始,佢add左我之後傾左d咩?  就係我介紹完我自己之後,佢就考問左我一個問題黎測試我某種能力..

   而當我回答左佢依個問題之後就簡接得到佢對我的第一個信任...   佢夠竟問左我d咩? 之後我同佢會點?請留意下一集的故事內容啦....
   
   
   好希望如果果個某網站管理咁岩可以見到依篇文章,而佢又願意回覆我既話就好喇.... 希望依個係我俾佢既第一個浪漫驚喜啦



第二集:
上一集講到我同佢終於有機會同佢傾到ICQ呀,好開心呀...但我地究竟傾左D咩呢???

   我果時係ICQ同佢講:我新做會員架咋前3日 ....   你叫我做地圖王啦^^
   
   佢回番我話: 點解叫地圖王呢?
  
    我回答番:因為我好多地方都識去 , 交通方面通常都識晒香港咁制 ,D FD咪叫我做地圖王囉..

   當時佢唔信我真係咁勁..佢就話 :...咁勁?!?!我問你如果由流浮山想入西貢, 搭咩車最快

      我回答:首先流浮山搭小巴出去元朗先 ,之後搭 268C 係彩虹落車,再轉 1A西貢綠VAN

       佢再問:車程幾耐?

       我再回答:要睇268C 個司機 開得快唔快囉 ,  因為佢係呈翔道開得慢既話 ....流浮山去都要  2小時 15- 2小時30 架..

      之後佢再問:哈哈...車費方面呢?

      我再回答:流浮山小巴5元 , 268C 收 16.5  ..1A 小巴 收 7.5  ..加埋 係 29蚊..

      之後佢信左我,仲非常佩服我...我就憑著自己多年來對香港的交通認識,就取得佢對我既第一個信任喇...

     其實我果日係ICQ識佢開始,就已經知佢大過我,仲知道左佢仲有種好COOL既性格,平日原來好少人可以聊到佢傾計..

     佢果個網站間中也有會員聚會及一些活動,我都好想有幸去到,但佢講我知,要佢地D網站管理揀人出黎架堝..

     我果時心想,其實我唔想有種俾果個網站其他管理既一種錯覺就係我係為左想見佢一面而想出席果D活動,而果個網站既活動都好吸引到我,我真係好想出席到, 當時可以見到佢一面就好啦..

我本應一向也對數學數字不太好感,而識左佢之後就更加憎恨數字,為甚麼?

自從識左佢之後,我非常渴望依個世界係沒有數字,因為我地之間就可以無左年紀數字的問題..   

年紀數字真係咁重要咩? 成日諗點解我唔可以揀早D出世堝? 個腦為左佢依排出現了好多點解點解?

但我仍然都深信一句話,就係"凡事沒有絕對" ,而依句話我成日都係ICQ同佢講..

我認為即使年紀較大既男仔也一樣可以沒有安全感,一樣可以日日花天酒地,夜夜笙歌..

我認為真誠才是最寶貴,真誠係可以打破晒一齊既隔膜,真誠係可以令到果個網站既其他管理日後揀我出席活動,我也深信真誠係可以得到佢的喜悅,無論追求佢既道路有幾咁行得困難,我都會盡力...

我成日都成日提醒自己,提醒身邊既人,就係人生最慘,最痛心既事不是失敗...最慘,最痛心既事而係你無盡力嘗試過去做...

如果有真誠去做,結果係點根本已經唔係最重要喇,最重要而係你去嘗試盡力去做果樣野巴過程先係最重要呀...所以我一定會用我既真誠去追求佢.........

下一集既故事內容預告就係繼續講番我同佢之後係ICQ點樣可以熟落D呢? 了解佢究竟出現咩困難呀?....敬請留意下集故事內容..


         
        第三集:
        首先好多謝各位會員既回覆 ,特別多謝 taoming   你呀,你既回覆令我回想到蔡瀾叔的人生觀也與小弟差不多....

         我既人生觀就係:"人生得意須盡歡".... 多謝taoming   你對我成績上的祝福,我深信我第日出來既成績係:"春光似海,盛世如花" ....

        可能各會員會問我點解會有咁大既勇氣去打我同佢既依個故事,我會答番:我隻手係"十指在急縱疾躍"地不敢想為佢打出依個故事,我亦"不憂不懼"..

         我打依個故事的內容是"古老,有趣及民族色彩".點解咁講? 依個愛情故事係提及到我追求佢的古老方法,而佢有時都認為我好"老肚",我份人都非常有趣,故此依個愛情故事都有點趣味性,我國中華民族不屈不撓,而亦都不屈不撓地顯出自己對佢的誠意,副有民族色彩..

      可能我登左依個愛情故事出黎,佢會覺得我有點唔尊重佢,有點不顧及佢的感受,有點兒那過..

      但我份人係:"過則勿憚改",如果我有過失一定會改正..

       可能佢會覺得我只係三分鐘熱度,唔會有誠意只係講講下車大炮,但我一定會"恥其言而過其行",我會行動多於實際..

      可能佢又會覺得我無能力誠意,而佢認為自己好COOL,佢覺得我一定抵受唔到佢既性格...而我會覺得"不宜妄自菲薄",愛一個人係要愛晒佢全部包括埋性格架...我仍然不會放棄為佢制造驚喜

   下一集故事既預告就係:我究竟點樣用多首歌詞來形容我同佢既經過呢?  

    敬請留意下集故事內容..

野蠻女

這個故事阿，讓我不期然想起這個網站。
因本網也有女多男少的情況出現，哈哈！
真想快些知道這個故事會怎樣，不要拖稿阿。

vling2884

?.....o甘都得??...
唔...如果我冇估計錯誤...你講既某網.站應該係...
至於女管理員...哈哈...(有少少頭緒.)
happyfrank1 ....雖然你條橋係舊d...但都好佩服你夠膽量..有勇氣公然示愛...
不過你有冇諗過..呢次係"膽博膽"呢?
若果阿某女管理員肯接受當然係好...但假如佢係怕羞或對你係冇意思...o甘呢次咪"一鋪清袋"??無得返轉頭??
無論係點都好.....鍾意人係無罪既....何妨你又o甘大膽同坦白呢...
我支持你..希望你會收到想要既驚喜.....

jjjjjjj

"某網站的女管理員" .... 很欣賞你的勇氣哦
在這裡公開你遇到她的故事，卻不是件容易的事
只是，為什麼你不介意她比你年長呢?
或者她不輕易接受一個小朋友會喜歡上她呢?
想起年紀，告訴你一個典型的女仔想法~
相信每一個女仔都渴望有個好有安全感的男人照顧自己
女仔有天生的母性，同時間亦會待男朋友如細路仔咁鍚咁關心
而一個很基本的條件，女生需要一個比她強的男生
就算被他壓住也願意屈服
年紀不代表什麼，但卻有著唯以言喻的影響
說不贊成"忘年戀"的想法有點膚淺
但又不是每個女仔都接受得到
很想看看你會有什麼技倆可以解決這不能改變的事實

藤原拓海

下面引用由happyfrank1在 2005/04/25 04:09am 發表的內容：
事情經過是,係2005年4月16號約凌晨3點,我上了一個網站,我係果個網站見到果個網站既其中一個女管理既相..
  
    唔知點解果個網站好多女管理,而我就偏偏好留意其中一個女管理既相,一直就好留意佢既資料啦,例如?..

小朋友我想問問你今年多少歲？
讀幾多年級？還是工作中？
那一個網站的女管理員，你特別有興趣？
若然你有膽打這文章出來，那倒不如你說說那一個網站？那一位女管理員令你死心塔地！
說真，男年紀比女少，對愛情來說並不是問題的！
我支持你！

siupigleung

故事幾浪漫, 快點快點再講下去!!
我也認同jjjjjj講法, 基本上女孩子喜歡比她大的男孩, 有安全感!細一兩歲都接受,但相差幾歲就....好難講......
不過, 我都會支持你!!(哈哈)

siupigleung

看完你再寫上了一個年紀比自己大的某網站管理愛情故事(第二集)....
覺得你有點幼稚吧!!! 你很年青嗎?!
相信"她" 比你年長很遠喔!!
你是一廂情願,還是自作多情嗎?!

taoming

題目出得很棒！快一點說說有關ICQ的下聞吧！不要讓人看得心癢癢嘛！
小伙子配大姐姐才合配啊！因大姐姐經驗豐富，可從她身上學會很多東西，蔡瀾叔也這麼說。﹙不過大姐姐真的很難追，我自己也衰過^^﹚
預祝您未來高考成功啦∼

joe198663

I support you! ^_^
Since I appreciate you that you are brave enough to express your feeling to her...
It seems that you pay a lot of courages to do it...
Actually it is not a crime for you to LOVE a person...
And the year is not important for us to LOVE a person...
With our true heart, I believe there is nothing can prevent us to LOVE...

That's right for you to express your feeling...
I think it is not childish and it seems that you are a positive person...
Although she may not accept you, you should try to express first...
Because you don't regret more, even so there is no result...
If you give up a choice, you will never know the truth...
There are many oppotunities wait for us, if we don't hold them, we must regret oneday...
The result is always mysterious for us, if we don't try, the result will always be a secret...

Actually we are young now, we should hold time to do what we like...
Even if we injure & lose, it is worth for us to try...
Wish you succeed! ^_^

BuTn

愛情是不需要顧及兩者的年齡和性別,
只要兩個互相配合的靈魂走在一起,
又何需理會世俗的數字和陰陽學說呢~
但是.......大前題是要"互相配合"哦,
從樓主的字裡行間中看出他的對象不太喜歡他發表"真人真事"的愛情故事,
看來樓主要先和她取得共識才發表方為上計,
單方面認為這是"真誠行動"恐怕會帶來不可挽救的後果
畢竟上了年紀的小姐比較愛面子,
始終不想被人知道那麼多吧
另外, 樓主也要想想往後的物質生活.
大姐姐出來社會做事,
對物質要求也會提昇,
吃要好的, 用要好的,
高中生能夠給予她的所需嗎?
用爹娘給的零用錢去泡妞不孝,
要女方作大部份開支更是失去男性尊嚴,
"有情飲水飽"只是增加士氣的口號罷了..........
這些樓主要一想再想哦