[分享]點睇死人相(靈體朋友看到了有怪莫怪~~) 靈體, 去世

小C

對於久病的人，
我呀婆好耐之前講過，睇佢d眼耳口鼻同臉色；
如果   ---眼好似鯊魚眼咁樣，睇落感覺好木好實；(望路)
           ---耳珠接埋，
           ---嘴唇有點歪，不受控制，顏色有異；
           ---鼻頭歪向一面(最易看到)；
           臉色會好像矇上一層灰色~~
咁呢個點樣救始終都係要去架喇~~
曾幾何時我只係睇電視見到羅文的演唱會大頭，即時同我d fd講，果陣距離佢去世還有半年多，我好多fd都話我亂講，結果呢，真係咁~~睇呀梅的都一樣~~
_________________________________
靈體朋友看到了有怪莫怪~~請諒~~

alanliu

非常準確 , 家母去世前 , 外觀特徵具備以上所言 !

rubywhmak

下面引用由小C在 2004/10/23 07:34pm 發表的內容：
對於久病的人，
我呀婆好耐之前講過，睇佢d眼耳口鼻同臉色；
如果   ---眼好似鯊魚眼咁樣，睇落感覺好木好實；(望路)
           ---耳珠接埋，
...

阿mui同roman當年係做完化療，有呢o的特徵係正常，好多患癌症既人都會有以上既特徵。不過我想講一樣野，係好多人係知自己幾時死既，尤其係安樂死、病死，而且當佢地臨死前，佢地都好可能會要求飲水(唔係電視機o個種 叫人拎水之後死  not that one)，或沖涼。
呢個說法係我做義工見既唔止一次，連平日污穢不堪既乞丐，佢地知自己可能夜晚就死，就會沖涼。
以上既野 我唔可以話一定會發生，但係我遇到既，非意外死亡既人，十個有八九個都係咁。

戀愛物語

咁即係可唔可信架?
一d又話係咁咁咁~一d又話係咁咁咁= =

穆青月

下面引用由rubywhmak在 2004/10/23 11:09pm 發表的內容：
阿mui同roman當年係做完化療，有呢o的特徵係正常，好多患癌症既人都會有以上既特徵。不過我想講一樣野，係好多人係知自己幾時死既，尤其係安樂死、病死，而且當佢地臨死前，佢地都好可能會要求飲水(唔係電視機o...

但他們怎樣知道自己將要死去?

supermax84

邊個先係真嘎,有無統一D得答案啊?

226KC

兩個說法都係真
仲有一個可能看到，如果一齊影相，而其中一個特別灰暗，就連閃光燈都打唔光，即係表示佢大限將至...
我見過呢d相，真係用閃光燈都無用

小C

我見0既人入面，唔係癌症死0既都有我說的面部特徵，我呀婆做人多過我食米，佢唔會詭我0既~~況且以前d人邊有咁多癌症死，自然老死0既都係咁樣睇「相」~~
至於果d意外特然身故的，寺裡面的師傅就話，
人0既膊頭同心口各有一把火，
如果是但一把「熄」左(可能冇外觀特徵)，
咁佢就有可能......
這種非常人可以睇到
當然，我冇呢種感應，
看不見...
另外，「水」在人心目中代表「潔淨」，
死者臨終時希望飲水、或洗澡，或吃他生平渴望吃的食品，
就給他預備吧~~
人往往都希望自己得到潔淨和吃得飽肚才「上路」的。