以下呢個故事係發生o係我同一班舊同學去大嶼山塘福宿營時所發生o既怪事,唔知大家有無類似o既經歷呢?
那一晚,我地大約晚上八點左右入到去大嶼山,由於我地無事先租定渡假屋,所以落船後我地即刻去搵地方租屋.好彩o個日唔係假期,所以我地好快就搵到一間士多租到渡假屋,而地點就係塘福.之後我地一行六人就搭巴士入去.當我地到達後,便依指示到那裡的一間士多取鎖匙.之後我地o係士多租了一副麻雀,買了一些燒烤用具,飲品和零食後,便跟隨士多老闆指示向渡假屋出發.
當到達渡假屋時,我地覺得非常高興兼驚訝,因為間屋比我地想像中還要大.o個度係一梯兩伙式設計,我地竟然用一個超便o既價錢租到兩間屋.我地先從左邊的單位開始參觀,這單位以開放式設計,除了浴室外,並沒有其他房間.這單位只有一張床,一張梳化和一些電器,並沒有其他的傢俬,之後我地就到隔壁的單位參觀.當我的朋友們入到隔壁舐的單位後(當時我係行最後的),當我轉身關門之際,我竟然見到一個著唐裝衫,頭上面有條辮o既呀伯飄左入隔離個單位,於是我即刻關門,但係為左唔影響各朋友o既興致同唔想嚇到佢地,結果我無同佢地講呢件事.由於呢個單位比較大,所以我地可以o係呢面進行我地o既麻雀大戰,之後我地就開始打麻雀.
大約到凌晨三點左右,我o既其中一位朋友因為覺得眼訓,所以就自行過左隔離屋訓覺(因為佢驚我地打麻雀嘈住佢訓覺).但係過左唔夠半個鐘,一陣急速o既拍門聲突然響起,之後我就去開門,原來係頭先過左隔離屋個朋友,佢面青青咁走返過黎,佢同我地講話頭先正想訓之際,突然聽到有一把男人講野o既聲,之後佢全身不能動.之後當能夠動身的時候,便立刻返過黎.正當佢講完呢番話之後,突然又傳出兩下拍門聲,大家你眼望我眼之際,我決定去開門睇睇,最後發現門後一個人都無,我就即刻關門.之後我就提議唔好再打麻雀,然後我地六個人只好迫係一間房一齊訓,但係試問又有邊個會訓得著.
等到天光之後,我地就即刻收拾行裝離開呢個鬼地方.而我地亦發誓以後都唔會再去呢個鬼地方宿營了. |