|
 
- UID
- 32148
- 帖子
- 3
- 精華
- 0
- 積分
- 10005
- 代幣
- 10002 元
- 評級
- 0 分
- 閱讀權限
- 50
- 來自
- 香港港島東區
- 在線時間
- 0 小時
- 註冊時間
- 2005-7-15
- 最後登錄
- 2007-3-16
|
6#
發表於 2005-9-30 03:01 AM
| 只看該作者
早上和下午 你可以見到鬼嗎??
| 我以前細個讀中一二個陣, 有一次同我爸爸細妹去左船街個間聖璐琦中學探險, 我爸爸由細到大都有時會見到靈體, 個日係下午3點鐘左右, 本來我係想叫佢地去南固臺玩, 不過我爸爸話個度危險, 因為附近周圍又無人, 雖然係星期日下午, 但係當時環境都好靜, 而且南固臺入面太黑, 地下又好似會爛咁, 所以我地就去左隔離學校, 我地係學校由地下一路向上走, 當時學校有條樓梯係可以睇到南固臺天台, 當我走到大約3樓之間, 回頭想睇下附近風景個時, 見到南固臺天台有三個長頭髮女仔, 佢地頭向下望, 頭髮長到去腰部, 衣著就好似我地平常人咁, 我就同阿爸講話隔離紅屋都有三個女仔入左去玩啦, 早知我地又跟佢地上去啦, 跟住我阿爸就叫我唔好亂講野, 之後佢就無出過聲, 仲叫我袋好個護身符, 不過我同阿爸講完野, 個三個女仔無聲無息咁就唔見左, 我到而家過左差唔多十年, 都係唔知佢地係人定係鬼........不過我知道當時咁靜, 如果佢地行過或者講野我地都會聽到, 但係我完全聽唔到有聲, 只係有我地三個人既腳步聲, 仲有佢地係實體黎架....... |
|
