大家好!来左甘耐我都系斋睇唔发帖,今日觉得唔好意思,所以同大家分享下一件勉强算系亲身经历噶事...
我对呢件事印象真系好深刻.莫约十年噶时间就甘就过左去.而我本人由细到大都无遇过D乜野灵异事件.单单系呢件事,对我,甚至我小学全班人,小学噶语文老师都有颇大影响...
话说个阵系我小学叁年级某日上午9点几,我地正在上语文课,语文老师甘岩系我地噶班主任.起就来落堂个阵,我地班坐第一小组(靠近课室前门)的一个女仔A突然间无缘无故哭左起来.起初我地大家都以为系有男仔上课欺负她,所以就无点理会,只系坐她隔离噶另一个女仔B起度安慰她.
后尾落左堂,我地几个女仔就走过去询问一下系乜野回事.个个女仔依然起度哭,神情仲好惊恐甘样,问距点解哭,距哭到答唔出.而呢阵时,已听过A解释左一次噶B就同我地讲:"啊A见到对面楼窗口有一对绿色噶手同一个戴住白色面具噶脸孔."
我地学校因为在市区(我系广州呢边噶人),用地比较紧张,所以我地学校噶格局系甘噶:当时我地所在的教学楼与另一栋高大的民宅系相连.民宅的第一二层被学校租左过来改建成老师办公室,民宅的三楼到顶楼都系住人噶.就如之前所讲,我个阵读紧叁年班,课室所在的楼层就表示所在的年级.当时啊A噶座位离事发窗口绝对唔会超过20m,所以应该无睇错.所以啊A话见到呢D也噶可信度极高.
一开始我地听到啊B甘讲都唔系好信,但系呢个时候啊A就好愤怒,就喊住甘话:"点解你地唔信噢!?我真系见到噶..."跟住又全身惊到震.我地就安慰距,叫距唔使惊,同时起我地幼小噶心灵上面亦都蒙上左一层阴暗.因为啊A距家教都几好噶,爷爷嫲嫲阿爸阿妈都系几有文化噶人,所以啊A系唔会无端端同我地开一个甘大噶玩笑噶.对于一个小学叁年级噶小女孩,距更加无动机来开呢个"玩笑"...我地几个女仔一边安慰啊A,一边对望左几眼,同时又望向啊A讲个个窗口...
乜野都无...
呢阵时,班主任就过来了解情况.啊A就一边喊一边原原本本甘将成件事讲比班主任听.班主任肯定唔信啦,但系啊A死都话距绝对无睇错!!个神情仲好激动吓...班主任无奈之下唯有叫啊A噶屋企人接啊A返屋稳定下情绪.
直到宜家同D小学同学讲返起呢件事,大家噶反应都只系沉默.究竟个对绿色噶手,个个白色面具的脸孔,是对面楼噶人噶恶作剧,定系.....?!
其实我地学校有关绿色手噶鬼故唔止呢个.我地学校有个游泳池,室内噶,好阴暗噶.听闻以前有一个男仔在此遇溺,原因系有一只绿色噶手在拉扯他的脚.....
毛管栋!!
|
發表於 2006-7-29 07:53 PM
| 
