[原創文章]今年元旦．． 香港, 心理, 黑色, 香港仔

ｋｉｔ＊

今年既元旦，我相信有好多人都會去ｄ多人，熱鬧既地方倒數
但係我同我班friend就係因為怕人多，留左係香港仔倒數，點知咁就出事．．
踏正十二點，我地係小食亭度拉紙砲慶祝啦，
係無幾遠既公園有另外一班人係到（我地識既）。
咁我地無謂同人爭，諗住行去另外一個位於香港仔橋底既公園繼續玩。
我同我個friend行頭，直到距離公園接近十幾米既地方，
我見到公園裹面既滑梯位置有個黑色既影郁緊，咁我梗係即刻同佢地講有人，
跟住去第二度啦，點知跟住我地既另一個friend同我講:「痴線嫁,邊有人係到..?」
跟住就走埋去喇,但係我就驚到只係係石春路度玩...(因為石春路既位置同滑梯既距離比較遠)
我個friend行左埋去之後,返轉頭同我道歉,話o個度真係有人,
因為佢見到有隻手擺左個黑色既背囊出黎,好似要比佢知有人咁。
但係我就咩都睇唔到,跟住就驚到叫佢地走,行到差唔多到有人個公園o個陣,
我同行頭既friend都聽到有好大既狗吠聲,我地問返行後面既人聽唔聽到,
點知佢地話咩都聽唔到牙~嚇到我同行頭個friend喊左出黎...
但係佢地就安慰我地,話係我地既心理作用,跟住我地就同埋公園班人一齊玩,
玩完返屋企o個陣,我地行返去公園o個邊搭車,經過會望到個公園既,
我個friend就望一望個公園,跟住同我講:「拿,係咪叨,都話你心理作用嫁啦,真係有人嫁...」
之後我再望過去,咩都見唔到...但係我就唔出聲,唔想嚇親佢地,咁我地就當無事,各自歸家。
放完假之後,返到學校再討論返呢件事,原來散左之後仲有事發生...
話見到有人擺背囊o個個女仔,之後同男朋友係架小巴到用手提影相,
影完之後睇返啦,個女仔突然之間好似發顛咁話,呢個唔係我黎嫁,我唔要呢張相呀!
嚇到佢男朋友即刻delete,不過之後又咩事都無喎...
點知跟住有個朋友問,擺背囊隻手淨係得隻手嫁咋,上面咩都無..?
(意思即係話好似著緊短tee咁,隻手無遮無掩)我個friend話係呀....
但係諗諗下,o個晚凍到著3,4件衫都唔夠暖,又點會有人就咁著住件短tee呀..?
之後我個friend就嚇到叫我地唔好再講,之後就不了了之喇....