- UID
- 119854
- 帖子
- 3
- 精華
- 0
- 積分
- 10005
- 代幣
- 10002 元
- 評級
- 0 分
- 閱讀權限
- 50
- 在線時間
- 0 小時
- 註冊時間
- 2006-2-28
- 最後登錄
- 2006-5-31
|
4#
發表於 2006-3-1 11:05 PM
| 只看該作者
香港靈異地方大募集(更新版)
凱提風按︰評級增加0.5,代幣增加一萬。
我好想再分享我的經歷, 並不是呃post, 不介意只增加一萬代幣, 只是講開好想再講比大家知... =D
果時我寄宿, 有晚我正準備訓, 但係未訓得著果隻, 我床頭隔離就係書檯, 我當時係背住書檯訓的. 突然間我聽到有一聲 "咯", 冇理, 亦都冇話"咦, 咩聲呢? " 但係唔到十秒鐘就聽到第二聲"咯", 而呢聲 "咯" 感覺係近左, 都未曾有時間諗係咩聲o既時候, 第三o下 "咯"就已經o係耳邊. 當時真係驚到震, 因為果三聲"咯"好明顯係由遠至近. 當時唔敢郁, 只係祈禱, 好在冇咩野發生....我當時剛信主, 但係之前我接觸好多第二d 宗教o既野或者係其他神, 佛o既野, 後尾d 弟兄姊妹解釋係個情形會似係你突然轉會, 佢地會搞o下你.
其實果間房, 我細佬亦經歷過一d 野. 有次我放學返黎見到張梳化仔 (一坐位果d) 擺左o係房中間, 平時靠牆擺o係書架下面. 後尾我細佬返黎我問佢點解放o係房中間, 佢話頭先睇睇o下書, 有人拍佢個頭, 即從拍佢另到佢個頭"鐘"去前面果隻. 佢冇理, 繼續睇書, 冇幾耐又拍多次, 佢移左張梳化去中間, 睇左一陣間書佢就出左去. 我問佢驚唔驚, 佢話唔驚, 剩係覺得好煩, 我問佢係咪呃我, 叫佢唔好整盎我, 佢話冇呃我, 問佢係咪睇睇o下訓著教, 所以個頭"鐘"左去前面, 佢話梗係唔係, 被人拍同自己"鐘"點同...
仲有一次我地去左個friend 度住, 因為佢聖誕節唔係宿舍住, 而我宿舍要另外比錢. (我同細佬o係第二度讀書) 初初仲有幾個人o係度, 後尾d 人都返屋企放假, 得返我同細佬. 有次我細佬去完廁所返黎問我 (廁所o係走廊) 頭先有冇拍佢門, 我話冇. 佢話頭先有個人問佢 "得未呀?" 我我細佬心諗另一邊咪仲有個廁所囉 (有兩個獨立廁所) 我話"唔係呱", 因為果層得返我同佢, 同埋要有鎖匙先入得去, 一定唔係出面o既人入黎,再講果層冇中國人... 我問佢係男聲定女聲, 佢話係男聲.... 真係恐怖呀, 最恐怖係得返我同佢兩個人, 多d其他人都叫有人聲. 每次出房我都好驚, 我記得去廁所都叫細佬o係出面等我. 之後幾日, 我一出房都係好驚果個樣, 我相信佢唔係呃我. |
|