[引文轉貼]一段愛得盲目既愛情故事 戲院, 鬼, 生日, 油麻地, 搞笑

碧根鮑華

以下的經歷是引自一個女仔既愛情故事,睇完俾d意見或者感覺啦...
我睇完既感覺係男主角好賤,女主角既愚愛令佢長時間唔能夠抽離呢段感情...
不過女主角對愛情實在專一!!!呢段故事真的很值得去看...好好睇...講真的!!!!!!
首先我先post幾幕,睇下反應先再post!!希望各位多多支持!!
ps:如果其他會員係第二度睇過既話,千其唔好post或講出如下既情節!!唔該晒!!^^
開始喇.......
當時我已經有玩key3同ak，識左好多朋友仔，
有一排成日同一個男仔傾計，係icq同 chatroom 傾 ，之後就愈傾愈多，
有一晚我傾電話傾天光，發現我地係同月同日生日，不過佢大我一年，
仲發現我地鍾意玩既野，食既野都係一樣 ，
個感覺係一個好似好陌生，但係又好似識左好耐咁既感覺，
所以，我對佢完全放下戒心，傾到天光，佢叫我同佢出去食早餐，
但係因為我成晚無訓，唔想比佢見到我個殘樣，
所以無出到，之後突然間大家都無乜點搵大家....
突然間有一日，有朋友生日，所以就去左金聲戲院附近果間neway唱k，
點知呢個時候電話響，係billy打黎，我就好方室室咁聽電話，
Billy : 你係邊呀......?
我:ai................係街囉
(無啦啦打黎咁問...我以為佢見到我...所以有d不知所措)
Billy :咁姐係係邊姐?
我:......咁你又係邊呀...?
Billy:係neway同d朋友唱緊k囉..
我:.......=_______="(當時既我都係係neway留下等緊room)
係咩，你係邊間neway呀?
Billy:金聲附近果間囉...
我:下....................................
Billy:你係邊姐...
我因為我知佢實話見我，我又驚，因為見過佢張相都幾好樣，拖左好耐，我先講左比佢知我係樓下)
之後都唔洗3分鐘佢就FLY到落黎.
唔知點解我地兩個都Dup低頭係咁笑，
唔知笑乜，大家都無講野，又唔敢望大家，
呢個時候我都知.....死啦..我奶野啦.....
果時d感覺已經好d好 sweet 好似好巧合咁，
唔知點解我呢d不嬲都唔知怕羞係咩黎既人，
竟然面紅，之後佢就話啦...
Billy:仲乜咁怕羞呀....e....你面勁紅wor，好搞笑，好鬼得意呀
我:下....咩呀...邊有呀...你色盲咋 .....
之後我d朋友話有room，所以就叫佢一陣打比我，我上去唱k啦，
唔知點解，我完全無心機唱k，個腦係咁諗返起第一眼果d情形同感覺，
係咁望住個電話，等佢打黎
(其實我預左佢唔會打黎...因為我樣貌一d都唔吸引)
點知，我諗住佢唔會打黎既時候，佢打黎問我走未，我話未，
跟住就有人拍門，係Billy，見到佢拍門，我覺得好出奇，
then 我地就出門口講左幾句，又係好似頭先咁，
大家唔知笑乜，笑左好耐，佢就好聲話...
Billy:我走啦...送個朋友去油麻地搭車 .... 夜d打比你啦...
我:哦...好啦咁...88....(但係其實一百個唔捨得)
半個鐘之後，我電話又響，係佢打黎，我心諗唔係咁快返到屋企呀，
點知一開門諗住去廁所，
佢成個人企左係我面前，同我既距離幾cm都唔知有無，
我呆左幾秒，就話....
我:點解你係度架...?
Billy:無呀...頭先咁岩行過...又咁岩見到你鍾意食果隻珍寶珠咪順路買支比你囉...
我:順路...你唔係去油麻地既咩..=___="
Billy:係呀...送完咪返黎順路比支糖你囉
(當時勁sweet....因為估唔到我講過一次咁大把...但係佢咁記得)
我地愛情故事....就有一支珍寶珠開始..

碧根鮑華

果晚返到屋企，我地又依舊傾電話傾到好夜，
收線之前，我地約左聽日去行街，
因為我怕我又唔知講咩好會悶親佢，
所以就叫左個朋友出黎...
果一日，我地去左聯合打機，
一去到我同佢好巧合咁第一時間沖左去部捽碟機度，
之後大家都望住大家傻笑，因為大家當時d動作係好一致，
打完機就行去睇衫啦，去到聯合條馬路果時(去開既都知果條馬路不嬲都無乜車)
而我呢個唔識過馬路既人，就好快行左出馬路，
之後佢一手拖住我，拉我返黎....
Billy:喂...傻妹...睇車呀...
恩(我個朋友): 但係岩岩無車經過喎.......................=___________="
我:......哈哈哈...(傻笑....)係啦係啦.....博朦呀0靚仔!!
Billy:我驚有車經過姐...........(口震震咁)
之後我就縮左手，
行到夜晚，佢係咁同阿恩講...
Billy:你走未呀...返屋企啦...送你去搭車啦....女仔之家咁夜返屋企唔好呀...
恩:得我一個係女仔咩而家....趕我走呀...
Billy:知就好啦...走啦...
我:苦笑..........=_______="....
就咁阿恩就走左啦...咁我就話我都走啦...
Billy:唔好啦...坐陣先啦....
我:你話既...女仔之家唔好咁夜返屋企嘛....同埋我阿媽都唔比我咁夜返...你知架...
Billy:唔好啦...我唔想你走住呀....
我:下....點解呀....?(明知故問...其實都係想話表明咩意思姐)....見你咁想我留低...咁就留低啦...
Billy:咁就好啦...
之後我地就去左聯合附近個公園坐，
係咁傾計，乜都傾一餐，傾傾下都唔知傾到幾多點，
佢仲愈坐愈埋，跟住就係後面攬住我...
Billy:係咪呢d感覺...係咪咁樣..?
我:下....咩話...你講咩呀...仲咩攬住我既...?
Billy:你話過你鍾意比人咁攬住丫嘛...話好似好比人保護既感覺丫嘛...我記得架.....
我:................係咩....我有咁講過咩...
突然間大家都靜左，但係果一刻真係好sweet，
個心真係卜卜咁跳左出黎咁，於是我就彈左起身....
我:我真係要返屋企啦....再唔走無車搭架啦...
Billy:哦...(勁唔願意咁)....咁送你搭車啦...
我:咁行啦....
一路行，我感覺到佢d步伐愈黎愈慢，慢到有d似蝸牛咁，
我:玩野呀...靚女......行快兩步好喎...我無車搭為你是問架喎....(因為佢個樣好似女仔)
去到車站，大家都有d勁依依不捨既感覺，
係我第一次有d咁既感覺，好強烈既感覺，
上車果一刻，佢錫左我面一淡....
我:e.......做乜無啦啦錫人架....
Billy:上車啦...架車走架啦....返到去打比我啦...
就係咁，我地就一齊左啦，
一齊左既第2日，我同佢就去左睇joey 演唱會，
諗返都覺得自己好衰格，
囉左人地送比我張fly同第2個睇(原本佢比我同我個契妹去睇)
佢個姿整怪話要換過件衫先去睇喎，
咁咪陪佢返屋企囉，點知佢係我面前換衫換褲，
結果比我打左一身，咁岩佢媽咪煮左飯，
於是我地就食埋飯先出去啦，唔知點解同佢媽咪好似好好傾咁，
好開心，因為之前好驚佢媽咪會唔鍾意我，
但係無耐，問題就開始出現啦.....
佢有一個女性好朋友，叫貓仔，我知道個女仔同佢唔止好朋友咁簡單，
因為個女仔差唔多每一日都會打比佢，佢有一個女性好朋友，叫貓仔，我知道個女仔同佢唔止好朋友咁簡單，
因為個女仔差唔多每一日都會打比佢，
即使佢知道我既存在，但係佢一d都唔避忌，
女仔既直覺話我知，佢一定對Billy有野，
於是我就開始留意佢地d對話，
就發覺Billy就算同我做過d咩，
去過d咩地方，
都會講比佢知，我好唔鍾意，去過d咩地方，
都會講比佢知，我好唔鍾意，
唔係唔鍾意佢話比人知，係唔鍾意佢話比個女仔知，
我地就開始成日因為呢個女仔嘈交，
佢同我講對佢無野，
係因為個女仔知佢好多野，
所以同佢好friend，係因為個女仔知佢好多野，
所以同佢好friend，
但係女仔既直覺，好強烈咁感覺到，貓仔一定對佢有野......
有一日，我都終於知道左一d我唔應該知道既野.....
Billy:係呀...佢係鍾意我呀.....我同佢拖過攬過錫過添我同佢拖過攬過錫過添.......不過我對佢一d feel都無...所以先無一齊咋嘛...
當時聽完之後係勁hurt，點解當初一早唔同我講?
怕我知？我出盡力係咁喊，喊到收唔到聲，
佢哄左我好耐我先收聲，就係因為呢件事，
我地開始傾多左計，傾左好多大家既往事，
佢都講哂比我知佢d情史，
聽完之後，我直頭跌到落谷底，
佢d女朋友個個都唔會長過兩個月，
佢d愛情，原來係咁兒戲，
原來佢睇得d女朋友咁唔重要原來佢睇得d女朋友咁唔重要，
好驚，覺得好無安全感，
好驚我又會好似佢d女朋友咁，
愈驚我就愈緊張佢，就愈黎愈多交嘈，
又有一日，我同佢傾電話，貓仔打比佢...
Billy: 我遲d打比你...我有好多野同佢講...
我:點解呀..?又唔見你好多野想同我講...?而家佢仲緊要過我...?為左佢收我線...?邊個係你條女呀..?
Billy:......我一陣打比你啦...跟住就cut左我線....
我突然之間覺得好似我阻住佢地咁囉，又有一日，我同佢傾電話，貓仔打比佢...
Billy: 我遲d打比你...我有好多野同佢講...
我:點解呀..?又唔見你好多野想同我講...?而家佢仲緊要過我...?為左佢收我線...?邊個係你條女呀..?
Billy:......我一陣打比你啦...跟住就cut左我線....
我突然之間覺得好似我阻住佢地咁囉，好無地位，我明咁做係好小氣，好無地位，我明咁做係好小氣，
但係我真係容忍唔到佢次次同我傾傾下都收我線同佢傾，
到佢打返比我果時，我講左句好衰既野，
我竟然問佢可唔可以唔同貓仔做friend...
有一日，我起身打比佢搵極都搵唔到佢，
於是我就落左聯合搵佢...
(因為我同佢次次都會約係果度等...同埋我地既節目...通常都係果果間機鋪長注)
點知去到唔見佢，咁就去左佢屋企門口等佢，
等等下佢阿哥返黎，就開門比我入，
我見無野做就幫佢執屋啦，
執執下，比我見到佢日記...
(係我叫佢同我一齊寫既日記...我同佢開始果一日...我就開左本新既日記簿...都送左本比佢)
但係佢咁懶，不嬲都無乜點寫，
一開點知出奇地見到佢寫左新日記，
睇完我就喊左出黎，
佢寫話佢真係鍾意過貓仔，果一刻係勁心痛...佢寫話佢真係鍾意過貓仔，果一刻係勁心痛...
點解要講大話呃我...?咁到底佢地而家係咩關係...?
我已經唔想知唔想理，但係，我真係可以當咩都唔知嘛...?...
於是我連續幾日都對佢好冷淡，
結果我都忍唔住話比佢聽，我睇左佢既日記，
佢即刻係咁say sorry，
佢話佢諗清楚揀我，唔可以無左我，
結果，我又心軟，夜晚就去左佢屋企搵佢，
佢仲整左好大忽咖哩雞係我條頸度...
Billy: 哈哈哈...死未...你係我架啦...!!!
我:係架咩.....咁咪好益你..?一個印就霸左我..?
(只係咁小既事...已經令我覺得....好幸福)....
佢仲為我扔哂所以以前d女仔送比佢既野，
寫比佢既信，一次過清哂，
仲淨係用我送比佢果條頸巾，
見到佢用條頸巾，我真係好感動，
感動自己第一次織好一條頸巾，
無織織下唔織，
感動條頸巾勁吉肉，佢為左哄我開心都照用，
有一日，我屋企部電腦個keyboard用唔到，
成日就發住脾氣咁返學，又發住脾氣咁放學，
放學返到屋企，一入門口阿媽同我講，你條仔黎左搵你喎...
但係我睇哂屋企都唔見佢係度，就問"人呢..?又話佢黎左?"
mum:佢話唔知比咩驚喜你....出左樓梯口話等你返黎...叫我唔好話比你知喎...
我:咁你而家又話比我知...咪浪費左佢一番心機囉...頂...=_______="....
我就衝出去...攬住佢啦...
我:傻佬...你個plan失敗左啦喎....
Billy:你阿媽同你講我係度架..?有無搞錯..叫左佢唔好講架嘛...搞到無哂驚喜啦...
我:都唔係丫...你無啦啦出現係度...我都覺得好驚喜呀...
Billy:係咪架....仲有d仲驚喜呀...你睇下我買左d咩比你..?
我:.......睇到佢手上既野...我已經唔知講咩好...
Billy:傻妹..?仲咩唔出聲呀...?我買左個新既keyboard比你呀...
上面仲痴哂你最鍾意既mickey mouse sticker架...
仲有葵芳新都會既沙律...同埋黃大仙既波子糖....
開唔開心呀..?唔好發脾氣啦..
我:.........................(已經係喊左出黎)....
你真係對我好好...如果你以後都對我咁好就好啦...
Billy:傻豬黎既...唔對你好對邊個好呀...唔好喊啦..返屋企食野啦....
我以為佢同貓仔既事，就咁完結，
我地都會好恩愛，好sweet咁落去，點知..........

wing725829

我都唔明,做咩女仔一定要依賴個男仔,無論男仔點對佢都係咁信佢,做咩唔可以去嘗試一下自己一個呢??

wingwing514

對不起 , 起初看看標題... 還以為是怎樣的動人故事
這類所謂的愛情故事
在十多歲的年青人來說我想天天也有發生
兩個還未真正認識對方就在一起了
時間久了, 發現的問題當然越來越多
故事中女的膚淺盲目
男的無聊之極玩愛情遊戲, 大情聖麼 ?
這樣草草開始的感情 , 有何刻骨銘心之有 ?
easy come easy go

雷．仲恩

刻骨銘心？完全不覺得呀？
男的，技術不夠卻充情聖，女的…
shit﹗實在是陳腔濫調﹗(不是罵任何人}

碧根鮑華

仲有嫁...
個故事未完嫁...
睇埋落去先啦...
ps:可能我標既topic唔係咁好...(一段愛得盲目既愛情故事)先o岩
惡夢就開始發生.....

某一日起身，我又試搵極都搵唔到佢，
於是我又再去聯合等佢，過左兩個幾鐘，終於見到佢出現，
點知，仲見到貓仔出現係佢隔離，
佢仲笑笑口好似乜事都無咁行過黎，
我見到貓仔好驚訝見到我，仲縮一縮手，
當時貓仔係蚊住佢手臂.....
果一刻.，我係啞左，唔知比咩反應好，好想一把打埋佢度，
但係我又邊度忍心丫，我就咩都無講另轉身喊住咁走...
竟然聽到貓仔同Billy講...
貓仔:喂..仲唔追....走架啦佢....
Billy:下...點解要追...?
.....................................................真係十萬個嬲囉....
結果佢都係追返我問我發咩癲...
我:發癲..?一定係啦...係我神經失常咁緊張係...
咁擔心你...好似d阿媽唔見左d仔女咁...周圍搵你...
我真係覺得自己癲左.....你咁大個人...有手有腳...
要去邊我都管唔到咁多架啦....
Billy:我唔覺得有咩問題喎...同朋友去下街姐....
我:你話係咪係囉....
Billy:咁你而家想點丫..?
我:咁我又可以點...?我有得揀咩..?
一路喊一路喊，其實要我收聲，只要佢攬住我，我一定唔會再喊，
可惜佢無咁做，係因為佢覺得，佢都無錯，so無理由哄返我，
貓仔仲好似好關心我地咁就黎問我仲乜喊，又話佢地無野，
其實佢同我講佢地無野，我仲驚，仲唔開心，
因為佢一早知道我咁鍾意佢，但係盲都知道佢對Billy有野啦，
佢話佢地無野，我覺得佢唔介意做Billy背後既女人，所以會幫佢解釋，
呢d女人先至係最恐怖....
我忍唔住，好傻咁同佢講左d好衰既野，
"我咁大個女....都未試過為一個男仔搞到成個癲婆咁...
佢真係對我好重要...我求下你丫....唔好成日搵佢.......
我知我無權阻止你地做朋友...都知道咁樣做係好自私...."
結果佢當然無理我啦，於是我做左樣好蠢既野....
搵分手黎激佢，雖然最後佢哄返我，
但係個感覺已經唔同哂，佢對我好冷淡.....
平時出街，就算我遲到，佢都唔會怪我，
但係果日之後.，
有一次我遲到，佢竟然好唔耐煩咁鬧我有無搞錯，
仲係咁打機無理到我，
於是我就走去買左佢最鍾意食既雪糕黎哄返佢，
隔左一排...我都又好似無事咁，好sweet咁日日見，
果時我仲讀緊書，為左見佢多d，所以我成日都走堂，
lunch之後就唔返，即刻出mk搵佢(因為我住屯門..係屯門讀書)
當然我仲讀緊書，佢又無工返，大家都無乜錢去玩，
我地既節目就係行街行街再行街，
一係就打機，但係我一d都唔覺得悶，
只要有佢陪住我，做咩都無所謂啦，
有一日，我地係新世紀廣場度坐，之後撞到佢d朋友，
佢突然間攬住我，攬得好肉緊，果時係好sweet好開心，
好似係佢d朋友面前示威，話比人地知，我地幾恩愛咁，
坐坐下，佢突然之間，跪係度同我講........
Billy:xxx,你願意嫁比我xxx為合法妻子嘛...?
我:下...仲咩呀你...咪玩啦....街黎架...噓...
Billy:怕咩姐...咁先証明到我有幾咁愛你架嘛....
無啦啦...唔知佢係邊度囉左對戒指出黎.....係有d荊棘係度.....
佢仲好細心咁同我帶起隻戒指....
(雖然事後我知道隻戒指只係係廟街買$5)
當然我真係覺得自己係世界上最幸福既女人，
我呢生人最想搵既野，我已經搵到，
姐係好似歌星囉最受歡迎乜乜獎咁，
幾想大聲話...〝我得左啦...我終於搵到啦〞
有一次我病左，係佢屋企發燒，
唔願郁唔願落床，佢仲抱我出梳化，
佢媽咪就坐左係梳化度，佢仲跪係度餵我食粥，
佢媽咪仲話...
Billy媽:陰公囉...我養左個仔咁多年....都無人咁餵我野....
我:咁就你唔岩啦....咁唔孝順既...不過唔緊要....有我孝順你丫嘛...!wakkaka
Billy:幾好呀你個仔不知....搵到個咁好既老婆返黎服侍你....
我:係啦....跟住你就要服侍返我架啦wor...
Billy:係既係既...女王....
果時成日同埋佢屋企人一齊食飯，好似一家人咁，
好似已經公認係佢屋企既一份子咁，
新年果時，佢媽咪仲叫埋我同佢一齊去拜年添，
果一刻好感動....
好似話埋比佢d親戚聽我已經係佢地屋企一份子咁，
覺得好有地位....
佢d親戚都好錫我，
我咁大個女...都未試過有咁多人錫，
同埋咁warm咁有家庭既感覺，
(因為我屋企係單親....阿爸阿媽分開左....
阿媽不嬲都錫哂細佬...我係屋企係無地位...
我同左Billy一齊之後...阿媽就對我更加差....
因為佢覺得Billy係個淨係識玩...同埋會害左我)
同埋Billy d表妹一齊玩，我覺得好似同我地個女玩咁，
突然間好想同佢有一個自己既家，
以為我地會恩愛落去，點知又再因為貓仔，
一而再...再而三咁嘈，
結果.....

wing725829

個女仔仲未明,佢比人玩緊,佢係唔係真係唔知呀,定係佢鐘意比人玩呀??
做咩要攪到自己咁chap呀??

yipngalai

我想問個女仔係唔係你黎架,定係你o的朋友，我覺得唔似係故仔，而係你或者你身邊o的人既經歷．同埋我覺得呢個故仔似係旺角成日係條街度流連既靚仔靚妹，o個o的所謂偉大既愛情．

碧根鮑華

下面引用由yipngalai在 2004/12/27 02:40pm 發表的內容：
我想問個女仔係唔係你黎架,定係你o的朋友，我覺得唔似係故仔，而係你或者你身邊o的人既經歷．同埋我覺得呢個故仔似係旺角成日係條街度流連既靚仔靚妹，o個o的所謂偉大既愛情．

呢個故事唔係我亦唔係我朋友,只係我係d論壇度睇到....
係呢度post出黎....
都可以咁講,呢個故事係關於一個算係乖乖女既女仔點樣墮落既歷程....
其實仲有好多幕,如果你地想睇,我再繼續post出黎....

御琳

我想繼續睇落去ar...唔該你繼續post...
好可能呢d故事日日都發生o係唔同既人身上..
但始終係一個女仔既真人故事...
可能大家會覺得冇乜特別...一d都唔偉大...
但對個女仔黎講呢?佢愛得有幾深旁觀既又有幾多個會明呢?...
可能佢係好死蠢..但邊個會o係一段感情入面叻得起呢?...
全心全意咁鍾意一個人...即使自己都知道係唔值得..但又有幾多個真係可以話抽身就抽身?
個個人既愛情故事都唔同...
但我信個個為自己鍾意既人付出過既真心...都係唔自私...冇保留...
雖然有時好盲目..但偉大...