| LBHIDDEN[0]LBHIDDEN以下一件事係真人真事，係我一個識左好耐既FD，我覺得有必要post出黎俾大家討論下，希望多d回覆啦-_<"
女的，我地姑且叫她彤~男的，我地稱他阿Bill吧~
咁佢地都係普通人啦，bill就頗有禮貌，彤呢~比較情緒化
在上年的聖誕前夕，即12月24平安夜晚，那時他們是普通的朋友，那一晚，他們2人和另外一個fd(阿波)約出黎玩，當然...(他們3人不是什麼靚仔靚女//)=.=...
那晚，佢地3個一齊去睇燈，睇完燈之後，阿波想去第二度，咁bill就彤兩個就去左山頂玩，冇同波一齊，當時既彤仲好開心，打俾其他人話俾人知。
夜啦，bill話送彤返屋企(正常男仔都會咁做吧)，去到地鐵站，彤話唔洗再送，費事俾屋企人見到會誤會，咁bill當時都冇勉強，只係叫佢小心d。
當時，佢地都冇咩野。過左一排…
彤有次要搵bill幫佢整電腦，咁岩bill上去果日係2月14情人節喎，bill費時兩手空空，就買左盒朱古力送俾彤，果陣彤都冇咩野，仲食鬼哂。
後尾唔知點解，彤諗下諗下，開始懷疑bill鍾意佢，又覺得bill人品唔好，又呢樣果樣咁，總之，就開始憎佢。
係學校佢地見到，彤都當見唔到，又經常同其他人訴苦(包括我&朋友J)，經常講話："唔知點解我想起果晚就好驚呀~!"，當時我&朋友J都有點無奈......
bill察覺到彤唔妥佢，想問佢咩事，同佢解釋，只係當佢係fd，點知彤又將佢icq加左落黑名單，收唔到。(我&朋友J同佢講番，佢唔信)
有次，bill同波因為d事反左面，bill想同波和解，但係唔知點開口，所以想約彤出黎傾下，做個中間人，點知彤就誤會bill約佢出黎有咩目的，即刻拒絕左。
bill當時唔知咩事，冇咩點理到，但係彤就好驚好緊張，同我&朋友J講，我地講番比佢聽件事，佢唔信，話我地唔會明。
夏天果陣，波想約朋友J&我出黎游水，約埋彤，就叫bill話俾彤聽叫埋佢去，點知，彤又再次誤會bill有咩意思。
自此之後，彤就好憎好憎bill，每當我同朋友J提起佢，幫佢解釋話bill其實只係當佢係朋友，但係佢都發哂老脾，唔想聽，鬧我地。=0=
bill總算知道件事，但係就唔明彤到底憎佢d咩，想多次解釋，打電話，彤一聽到佢把聲，即cut線，send SMS，佢連睇都唔睇，icq，彤加左佢落黑名單………
bill好興，唔知自己錯咩，問朋友J，我地都好難解釋，因為我地都唔知其實彤憎bill d咩，彤就話佢憎佢d人品，我同朋友J都覺得bill冇咩野。
上禮拜彤去食飯，撞到bill，bill想同佢解釋，但係彤見到佢就走都走唔切。
bill唔知自己錯咩，再次send左段野俾彤解釋：<<以下呢段就係啦..-_-#得來不易>>
「(1)聖誕節個晚,大家都玩到12點幾,得你一個女仔,作為男仔好應該送你番屋
企,如果唔係,有咩意外,我點搵個女賠番比人~!但係你話唔洗,我都無勉強,我
明白個個人睇法唔同~!(2)情人節個日,我剛好得閒,那上你屋企幫你整機,但
係驚空手上去唔好意思,而剛好情人節,個時我個班興見女仔就派朱古力,那就
買比你,絕無其他意思~!(3)我份人好老實,有個句講個句~!係我失落個段時間
,我曾經有諗起過你同埋好多朋友,不過唔代表我鍾意你~!現在,我已經唔再執
著係戀愛度,隨緣吧啦~!最重要係自己前途,努力做我的工作同埋讀書~!我唔想
失去個朋友,但你鍾意嬲就嬲飽去,誤會到夠,我自身難保,都無時間理~!如果有
咩令你誤會,sorry~!」
但係彤加左bill落黑名單，收唔到，我同朋友J同佢講番，佢um哂耳咁話唔聽，叫朋友J話俾bill聽叫bill del左佢，唔好再send野俾佢。
到依家，彤仲係好憎bill，佢地件事都就黎成年，so我先打出黎俾大家討論下，希望認真討論，請勿灌水。
你覺得其實係邊個錯？彤其實係憎bill d咩野？彤點解咁憎阿bill？bill又做錯d咩野？
我覺得有必要討論下囉。。。 |
發表於 2004-11-4 09:12 PM
| 
