好煩...勁唔開心... 小朋友

curious5354

最近超煩...好唔開心...考試當然係其中一個因素啦...但係...仲有另外一件事...
二月果陣識左一個中二ge小朋友...佢屋企好多女人...
由細到大都好想有個哥哥...而我...由細到大都想有個細佬...
正因為依個原因...大家好投緣...好夾...好fd...成日傾計...
佢真係視我為大佬...我理所當然當佢細佬咁對待...
最近...佢識左我另外一個朋友...佢叫A君...
A君係一個人冇乜所謂...日日都好開心ge人黎架...
自此...依個小朋友就開始疏遠我喇...好少同我玩...
有咩事第一時間都係諗起A君...
以前會得閒同我傾下計...一齊食飯溫書踢波sms...
依家唔會喇...佢得閒都只會同A君做依D野...
結果我自己就好唔開心...覺得好似冇左個細佬咁...
佢問過我咩事...但係真係開唔到口話令我唔開心ge人係佢...
所以依排脾氣都好差...到前幾日...打比佢佢cut左我幾次線...
心情跌到落谷底...到見到面果陣大家都有意欲同對方傾計...
完全係視對方透明一樣...掂行掂過...好冇方向好冇目標...
A君一向都唔鍾意番學校溫書...
但係尋日竟然會番去溫書...
仲要突然同我講小朋友番左黎練波...
我突然閃過一個諗法...好自然...
我覺得係因為小朋友番所以A君番...
果一下即時勁唔開心...黑哂面...
成日都冇同佢地講過一句野...
到左尋日夜晚...我忍唔住同小朋友sms...講番我依排ge感受...
佢好似冇乜感覺...我唔知自己做錯左d乜...
以前我話唔做佢哥哥唔幫佢溫習...佢會勁唔開心...依家反而冇乜野...
我覺得自己好似一個傻仔...好似比佢玩咁...
我同佢講我地依個星期唔好見唔好聯絡...
喺依個星期入面大家諗下仲有冇可能做到最初親兄弟果種感情...
佢諗都唔洗諗就答我「好呀!」好似好開心咁...嘿...
好hurt...佢最hurt ge一句我仲記住...永遠唔會忘記...
「我寧願同A君玩喇...同佢玩開心好多...你都唔好笑ge...」
我每次諗到依一句都會覺得自己好失敗...從來冇朋友話過我悶...
到今日...佢突然msn同我講...星期日唔出現...
果日我地本來係約好左同佢一家飲茶...
之後會去佢屋企幫佢溫書...點知佢話唔溫...
原因係因為佢已經約左小學d阿sir...
佢仲要加多句話佢阿媽話唔洗我專登走去教佢...
等佢有野唔明先走黎問我喎...我唔知真定假...
今日lunch果陣同左另外幾個fds傾...
佢地話小朋友可能好怕我...因為佢話我發脾氣個樣好以想殺哂所有人...
又或者...佢好憎我...好憎我成日管住佢要佢溫書...
但係依個係佢屋企人交比我ge責任...
佢阿媽開到口話個仔想要哥哥...但係佢地屋企冇...
希望我可以好似佢親生哥哥咁教佢...
但係我發覺唔可能...因為佢根本冇當我係佢哥哥...
今晚我終於知道點解d fds話佢可能好憎我...
佢每句說話句個決定都有心要同我作對...同我唱反調...
好唔開心...d朋友叫我算數...
雖然佢地知我好想要個細佬...
但係有d話佢仲細唔識諗...
我覺得咁樣唔係藉口囉...
我覺得我要話佢知做人要顧人地感受...
唔可以因為自己開心就亂黎...
我最初識佢果陣都見識過...
佢曾經狠狠地cut佢d fds線...
完全唔洗猶疑唔洗諗...話cut就cut...
唔洗比面人...事後扮無知...
我好怕有一日我會係另一個受害者...
結果...搞到中左招...
唉...勁唔開心...冇左個細佬...
或者...佢一路都只係似我過橋...
覺得做人哥哥ge係應該帶比佢歡樂...
而唔係成日管佢教佢...唉...

sgrlto

最尾果句講得岩呀，做哥哥應該要帶歡樂俾細佬呀．．．．正常∼
咁你幾歲你所謂既細佬又幾歲呢？
你係唔係成日好嚴對佢？？？
不果尼句話真係好唔理對方感受．．．
「我寧願同A君玩喇...同佢玩開心好多...你都唔好笑ge...」我明白．．．一定好心痛！
不如慢慢講啦！唔好唔開心住．．．２個月既感情真係話長唔長話短唔短∼
其實尼個細佬都交唔過，你初初都係見佢好衰啦！話ｃｕｔ就ｃｕｔ．．係唔係先
不如同ｄ　ｆｄ算啦！我覺得你ｄ　ｆｄ唔錯呀！又知你想要個細佬！
唔好諗咁多啦！我覺得你ｄ　ｆｄ唔錯架．．．好好珍惜身邊朋友算啦︿︿

curious5354

佢ge性格係歡樂過後唔再溫書... 初初同佢溫書都係咁... 比佢休息一陣...之後就唔想再溫... 我當然明白做哥哥要帶歡樂比佢啦... 但係做哥哥同時都有責任要教好佢... 我亦都應承左佢阿媽... 因為佢阿媽都話佢由細到大都想要哥哥... 可惜全屋都係女人...得兩個男丁... 所以佢希望我好似佢親哥哥咁對佢囉... 我同佢相差...還好...我十九...佢十四... 自問唔嚴囉對佢...旁人都有眼睇... 做英文練習半個鐘已經嗌好多...我都算... 咁都仲叫嚴!?!? 咁學校果d叫咩....... 我就係見佢話cut就cut先要教佢... 做人唔可以咁冇禮貌...成日唔覆人電話... 做人唔可以咁冇責任感...唔可以無尾飛駝... 我真係已經勁錫佢架喇... /.\ 佢屋企唔同佢去街...我又帶佢去... 佢屋企唔帶佢去食野...d特別少少ge野食...我又帶佢去... 對佢已經百般遷就...佢都仲要求... 而我自己本身真係勁想要個差唔多年紀ge細佬... 細個果陣五六歲左右就已經成日叫阿媽生番個... 但係一路都冇...難得有個小朋友同我諗法相配合... 點知依家搞成咁...冇左個細佬真係好難受... 而且我發覺佢仲好好似好憎我... >.<

sgrlto

下面引用由curious5354在 2006/05/01 09:25am 發表的內容：
佢ge性格係歡樂過後唔再溫書...
初初同佢溫書都係咁...
比佢休息一陣...之後就唔想再溫...
我當然明白做哥哥要帶歡樂比佢啦...
...

我有3個阿哥－　－”好慘．．．
你話（佢ge性格係歡樂過後唔再溫書...）呀麻．．唔係只係佢．．
基本上所有細路都係咁！唔怪得你既
要教好佢好難啵，因為你要知１３，４歲係反叛期．．．所以好難教∼就算係佢媽都難啦！
其實要教好佢，係逼唔到佢．．我就比較識諗ｄ，所以唔洗點教∼
我阿哥就唔係好理我．．．！
如果你真係好想好想同佢好返，你心平氣和ｄ，問佢想點？
一定要冷靜，慢慢同佢講，佢想點．．．如果你自己都唔知自己想點真係幫唔到自己
返而更加煩燥．．都時真係絕交添呀！
其實佢本身個人既性格我唔係好清楚，所以都唔知點幫你．．．！
如果佢本身係衰仔，成績跟本就係差，不上進，你要同佢做英文練習．．
佢一定覺得好煩，好想打你，因為我都係咁俾老師留堂，我一時真係好想一槍打爆佢個頭！
如果以加你同佢仲有野講，你就試下話，暫時唔溫書住．．．．
同埋你幾時同佢做功課等．．．每日？？還是星期六？？
你唔洗咁激動住啦！好唔好．．．．？

zuno088828

其實....試下做返朋友先... 慢慢再睇清楚佢值唔值得做你細佬... 佢功課方面...唔好比咁大責任自己... 你肯幫而佢唔肯受...始終都唔係你ge錯~~佢呀媽亦唔會怪你... 另外...你如果想教返好佢果種...唔理人感受ge態度.. 你就唔好為左佢果d說話唔開心.... 至於佢同你唱反調..唔理你果d...唔一定係憎你... 可能你某方面管得太多..而佢覺得你煩...煩<>憎ge...= =" 而且,你話對佢幾好幾好...可能咁樣先害左你..@@" 錫一個人唔係咩都就晒佢...每次要咩野~你就比佢 .....咁樣佢可能當你係燈神..用晒d願望咪丟囉 唔好為左人同事而唔開心..其實要搵個細佬都唔難..去識多d小朋友啦=﹏=" 如果你仲係咁珍惜佢...為有投其所好 我都唔知講左d咩tim...@@". 以上只係我少少ge廢言...可能會令人有d反感..唔好見怪-_-|||

curious5354

多謝大家意見~ 我好好多架喇~
都係過左依個星期先算啦...
希望到時有轉機啦~~~