最猛學校???屯門何x堂書院 何福堂書院, 屯門, 兆康, 鬼, 怪事, 泳池, 宿舍

sampdoria

之前有個ｐｏｓｔ--屯門兆康邱記中學--講屯門兆康邱X田中學同何ｘ堂中學，果度話何ｘ堂猛，等我分享下我既所見聞啦，我係讀何ｘ堂既,但係之前個ｐｏｓｔ　ｄ人話何ｘ堂個泳池填平左其實係冇架,只係泳池同hall中間堆草叢填平左做枱椅俾人坐姐...其實個泳池我7年前入去都己經荒廢左好幾年,....聽一個呀敊講佢地以前都會去個泳池游水,因為果度冇人理,冇救生員,所以d人就算唔係o係果度讀都會去果度游水,我呀媽同老豆都去過,但係之後有一個細路係人地上緊堂時候自己一個走左去游水,之後浸死左.自此就有學生練水時俾鬼拉腳....頻頻有怪事..所以就關左...一直到現在...但係校長話下會重開泳池...其實個泳池好深架,長得廿米到但係深就由一幾一路斜到落三四米.....機本上成個池都好難到地...
除左泳池,仲有成日俾人拍mv既紅屋--何褔堂會所,而家俾人列左入古蹟,目黑mtv拍攝場地,果度仲掹!以前,5,6年前,st john步操比賽前ｄ同學會入去住一晚，我現在的同學話他們當年入去訓時，一個有陰陽眼的師姐己經睇到有個男人ｏ係果度，之後佢地訓訓下果陣，就有把男声叫佢地走，唔好訓左佢既地方，佢地冇理，之後漸漸大声，而個師姐同果ｄ平時好惡既師兄都驚，都話走，之後佢地驚到成班走左出紅屋傾計傾通頂∼自此ｓｔ．ｊｏｈｎ都冇呢個去紅屋訓既傳統啦∼
除此之外，我地學校後山仲有荒廢左既男女生宿舍同禮堂，後山係學校禁地，我地上年因為係學生會，所以有幸上去一探究竟，上面ｄ叢林密佈，
朝早上去都異常陰暗，我地想入去宿舍或者禮常都因為鎖左入唔到．
但係早兩三年，教會攪左個英文ｃａｍｐ，好多外校人都有入去住，佢地話果度好猛，有好多怪事．．．但係我唔記得左．．．．等我問下人再ｐｏｓｔ過∼∼
我讀何中既７　年都聽過大把鬼故，等我過埋下星期考埋ａ－ｌｅｖｅｌ再ｐｏｓｔ過∼文字

5354superman

係呀,之前講錯佐,唔係填平....應該係話抽走曬d水先真~~~總之個池就猛到無得頂啦,而家無填平到都係得番個洞~~

仲有呀,話飯堂邊個十字架都係好鬼異的~~~~上年上去拍野果陣都勁恐佈......=.=

sampdoria

但係個有兩層樓高既十字架好似就拆啦∼∼．．．．．

nightmare12

係呀,果度真係勁猛
佢恐怖在唔係得一兩個人見到
而係好多人都見過,地下果度既toilet,行出去轉左會望到樹林,入面我都覺好恐怖
果年聖誕party我同d同學因為嫌個校長講野悶
成班同學返左課室熄燈講鬼古
點知講講下,忽然之間在門口的window仔見到有個男人行過,我地以為係同學諗住叫埋佢一齊玩,點知一打開門望出去,個男人已經唔見左了

賢

我都係何中嫁...
其實係上年有件差唔多全校都知的c
係發生係d f.2到嫁
唔知你地知唔知呢....

happyfrank1

我也覺得好多學校入面既泳池都特別猛鬼..例如"葵涌裘X秋中學" ..大家都可以回應下....

wingyan

我係何中隔離果條村到住咖，
大約係７,8年前係何中到撞過野咖,
個十字架唔會拆咖,係十字架前面
有一座野都唔會拆咖!！!入左ｄ咩
”文物”個類咖！

三木太郎

form 2同學果件事係有一班同學係學校玩手仙,玩完上is堂。
上上下堂,有個女仔見到個著黑色衫的男人拎住把刀行埋去,個女仔大叫,
之後個男人同刀吉左個女仔背脊一下就消失左。
之後個女仔背脊瘀左一塊,同用刀吉到的形狀一樣

janethugo

下面引用由三木太郎在 2005/06/06 11:48pm 發表的內容：
form 2同學果件事係有一班同學係學校玩手仙,玩完上is堂。
上上下堂,有個女仔見到個著黑色衫的男人拎住把刀行埋去,個女仔大叫,
之後個男人同刀吉左個女仔背脊一下就消失左。
之後個女仔背脊瘀左一塊,同用刀吉到?..

班上面ge同學見唔見到個男人呀?
如果見到佢地有咩反應?
如果見唔到,佢地見住個女仔咁樣又點呀?
同埋佢一齊玩個班人都見到?
個女仔有無事?
佢地玩碟先ge時候發生過乜事?

賢

一定唔係咁呀,呢個係我同d同學的經歷黎嫁
係咁的.....
有一日,好似係聖誕節前一個月到啦
我個同學突然暈左,到佢醒個陣,我地問佢做咩,佢話岩岩有野上左佢身同佢講野..
咁我地咪叫佢唔好再諗law,無野嫁....之後開始,我地個班就開始好多人見到呢個"朋友"
老師同校長知道左,就同我地講野啦,佢死都唔信....呢件事係上年f.2一定知
最後..直到好似聖誕前幾日,就無人再見到呢個"朋友",都無人敢再提起"佢"~!
p.s:我自己都見過呢個"朋友","佢"係一個女人,穿紅旗袍同紅鞋,"佢"次次出現都係用好恐怖的眼神望住我,個陣時自己都好驚嫁~~~~
f.2件事係咁,唔係好似三木太郎個個咁!~~