長洲某宿營營地怪事? 中年男人, 班主任, 年青人, 怪事, 大埔, 人形

mugen2040

個陣大慨中二既暑期，個班主任就提出去長洲宿營
有得玩梗係唔執輸喇，大伙兒咪嘻嘻哈哈報名。出發前幾天收拾行裝個陣
發覺原來個三日兩夜既行程入面，頭兩日正正係七月十三及十四
開頭都驚驚地，不過都俾左錢硬著頭皮出發，講左咁耐不如我直接跳入主題喇..
當晚男既一間房，女既一間房，年青人梗係玩到好夜都唔訓嫁喇~ 班女仔玩叩門，叩窗
我地成班有所防戒就留意門口外聲音，同窗外既情況(男房為長方形，有兩面牆有窗，一面窗
對荒山，一面對操場，操場對出已經係樹林) 個陣我望緊出面既情況，突然望到一個中年男
人騎住架舊式單車，係樹林邊到踩。而因為操場冇燈既關係，我發覺佢係灰色既。咁我當然
以為眼花喇，再望多一次，佢仲踩緊。如果我當時問佢咁夜係到踩單車做咩都唔知發生咩事..
================================================================================
仲有一單就係我阿麻到發生，我阿麻住大埔半山個頭，即係猛鬼橋個頭附近幾個山頭，係一d
新式村屋我三叔早過身，留下佢老婆同一仔一女，個日同成班細路係地下一間房，同佢兩兄
妹玩，突然我同我堂妹望見一個好清淅，但係全身都白色既人形物體係窗邊跑過。唔知係咪
我三叔留戀佢老婆同對仔女，所以返泥見下佢地...

伯拉

唔系甘恐怖者，不過總系覺得近山近林既地方都會有呢D傳聞或異遇。

jimmyltk

我都去過果到
但就冇咩特別經歷
不過就好多大飛蛾囉

so391312

長洲去過2-3次左右，但是每次去也沒有、特別的事情發生。
長洲同時也比較多人用單車來代步，晚上看見也沒有什麼特別。
很大的可能是樓主看錯了。
大埔那猛鬼橋和太和的鬼屋，我小時候大妁3-4年前，也常常自己一個去玩樂。
印象中3x多次吧，很多時候也是玩到晚上8點左右，才回家。
也沒有看過(好朋友)來陪我一起玩。
但人死後回魂，很多人說是有的。如果是樓主的三叔回來，其實也不用怕
因為是親人，很小會發生加害親人的事情發生。
他只是看看親人是否還好，便去上路了。
也在些祝樓主的三叔安好。