有沒有試過搭升降機或行樓梯遇過怪事呢？[討論] 怪事, 升降機, 荃灣

happyfrank1

[這個投票最後由happyfrank1在 2005/04/27 00:38am 編輯]

       首先Sorry 呀 , 我還未打我的經歷出來,痳煩到管理員 ..

      相信大部份升降機都是不見光日,而樓梯是給人一種陰暗的感覺..而你又有沒有試過搭升降機或行樓梯時遇過怪事呢？而我就有喇..

       幾年前當我未搬入我現在的單位時,我位同學話原來我現在住的單位後面的後樓梯傳聞發生了一宗劫殺案,死者係一個女仔...但是我以前不是住荃灣,所以不知道有這宗劫殺案發生..

      有一晚, 我要落街買野,我座大廈是一層只得一部升降機,那時我層升降機維修,被迫要落一層搭升降機啦..怪事就發生...

     我一落樓梯突然後面有度力一推我,好彩那時我扶實扶手無事,但我一望後面,後面是無人係度呀!!亦都聽不到任何腳步聲,上一層及那層防火門也沒有聲響,那時我立即跑到下一層去..
      
     
     [hidepoll]

AlienVirgin

我唔知我個個算唔算係怪事~
我屋企下面個d升降機同而家個d好唔同~
唔係自動既升降機......出面拉開入面重有鐵門~
我記得個次明明係按4樓~佢會冇端端去左最頂個層~@_@
之後我好驚~即刻走左出去~

ezratse

下面引用由AlienVirgin在 2005/04/26 05:34pm 發表的內容：
我唔知我個個算唔算係怪事~
我屋企下面個d升降機同而家個d好唔同~
唔係自動既升降機......出面拉開入面重有鐵門~
我記得個次明明係按4樓~佢會冇端端去左最頂個層~@_@
...

我想，經歷的多只是升降機壞了吧，不一定是怪事！
升降機因為是密封的空間，而獨自一人乘撘的時間也不少，所以便常傳出有怪事發生的傳聞！

wind-s緒方

我果次唔知算唔算呢
話說 我之前 住果個單位 係唐樓果d板間房 果度d升降機 都算好舊下
有次 我出去玩到3點幾先返去 咁我住5樓 入左去之後 按5樓 就係門就關上果陣
門又開左 我見到個包租公wor 咁我咪同佢打招呼 佢都有點頭 上到去 我開門 入屋
佢都有跟住我入去 都算正常 但第2日 我見到包租婆 問佢 點解尋晚包租公成3點幾先過來 點知佢話 包租公 尋日 係e院 去左....

ppymlo

你都算係靈異經歷啦。
可能果包租公返黎果陣比你撞到。
睇佢都無惡意。

hongka

我試過呀！
大約幾年前，我7點幾打完波番屋企，
天都黑齊，當我轉過電梯大堂，
見到我要搭果部lift有個背影行左去，將快珊門，
咁我好自然就叫：唔該等埋呀！
部lift真係等我，但我行到入去，
一個人都無，當我想行番出去，門已經珊左
我心諗我住7樓好快，
所以都無咩野，根住出lift，又一切如常，咩都無喇....

之前有睇我既post既人都知我仲有試過幾次見到靈異野
可能果時我仲細啦，不過而家就無咩喇

nightmare12

冇呀,最怪就係按關門制但係沒有關囉
都冇乜特別
但係聽人講話夜晚搭LIFT唔好企在角位,好似話易有靈體存在,是真的嗎

蜜兒

講開升降機我有好多野想講~
我住在29樓,,我試過數次進入升降機時(是空的,,得我一個)..
都發現某一層樓的燈不知給誰按著了的...
有一次我又發現是這樣(燈著了的是17樓),,我當然扮作不理會
但我已感覺升降機中有一種說不出的不舒服
幸好到26樓有個小男孩進來陪我..
燈著了的17樓到了升降機門打開..忽然聽到17樓出面傳來單車的鈴聲
那小男孩本來想按關門的..但他也聽到單車的響號便按住開門探頭看看
沒有人於是關了門~ 我若無其事的站著..
還有2次..這2次的經歷都是一模一樣
我由大堂入升降機,,按了29樓...升降機裹只得我一個
可能我太專心諗野又低下頭吃著東西..
升降機門打開我就以為是29樓(因為當時升降機內只得我)
門打開我便不已為然地走出來,,一直行到家門前取出鎖匙想打開時
抬頭一望..呆了半響,,眼前的鐵"雜"和門滿滿都是塵垢..真的很髒啊!!
我當時心想:我的家門是這樣的嗎!? 何時變成這樣!? 難道我忘了!?
我馬上抬頭望一望門牌..OH~這裹是26樓呀!!!!!
當時我已心知不妙..
(因為升降機如果上升時..除非升降機內有人按了某層樓..如果不是升降機是不會停下打開門的..由於當時升降機內只得我一個..升降機理應在我按了的29樓停啊..但現在我卻在26樓)
不過我不斷提醒自己要保持冷靜同清醒
我慢步走出26樓的升降機大堂等升降機到~
好不容易才回到家..
自此我在升降機內都打醒十二分精神!!
還有一次,,我和幾個人(不認識的)一同搭升降機
我當時不知為何心諗: 壞丫苯
當升降機不知在那一層關門時真的壞了..
由於那道門閉不上來..所以不能上升,,
我行去把門兩邊用力合上..門的兩邊很快的彈開,,這一彈嚇了我一大跳
因為速度係勁快而有力..如果我不是立即放手,,我的手將會分開兩邊
於是升降機中有2位男士也試著合上升降機門
我在一邊心想著: " 對不起!對不起!我剛才亂說話 "
之後道升降機門就合得上~ 真的很奇怪
總有~ 我由細到大都經常發有關升降機的怪夢!!

ivan926

如果大廈冇13同14樓......不過就係13,14樓停左開門.....咪最恐怖?

白天翼

我都有一個幾可怕既事,
係當我行樓梯既時候,
我平日出門都係慣左行樓梯,好小會搭lift,
有一次,我行到去其中一層既時候,
見倒有一隻好大隻既野係牆上面,
我行埋去睇下,係一隻好大隻既飛鵝,
當時都冇咩野,只係有dd奇怪世界上居然有咁大隻飛鵝,
但係之後有人同我講原來有d靈魂會利用飛鵝或蝴蝶依d昆蟲飛來飛去,
好似有人死左之後會有飛鵝或者蝴蝶飛過,
跟住我諗番果隻飛鵝先真係有d驚,
佢真係好大隻,遠睇以為係塊樹葉,
近睇先知係隻飛鵝,黑色,有斑點,足足有我2隻手掌拍埋咁大隻,
佢d腳有1支原子筆既筆尖咁粗,諗番真係有d驚,
不過我又唔會唔再行樓梯既,
似終我最怕見倒既都係小強= =""