以下想同大家講嘅經歷都幾奇怪,因為唔知算唔算係問米,但係整個過程又的確幾詭異,所以想同大家分享一下.
件事發生係兩年前,o個陣D親戚成日話我氣息唔好,於是便叫我呀媽同我去左一個神婆道作福.o個陣時我成日都覺得自己好黑,做咩都提唔起勁.於是就聽呀媽話跟左佢去.唔知係咪個神婆真係咁勁定點,漸漸我覺得個人比起以前好左.於是呀媽便提議我去搵個神婆多謝佢.點知就係o個日,我個契家姐突然跳樓自殺,當時我同呀爸呀媽都非常傷心,結果咩地方都無去.一個星期後,我就同呀爸呀媽再去到個神婆道,諗住叫個神婆幫忙做場法事超渡下個契家姐啦,點知坐唔夠三分鐘,個神婆突然間坐係度不停咁喊,當時我地唔知點算好.於是我就埋去問佢做咩,點知佢一抬起頭就叫我:細佬,之後佢另左個頭過我呀爸呀媽o個面叫:契爺,契媽.當時我呀媽嚇到差D暈左,我就同呀爸問佢點解要咁傻去自殺,佢話佢覺得同個男仔一齊好辛苦,唔想再拖落去,因為個男仔原來有老婆o既..............之後我問左佢一D以前o既事,佢亦都好清楚咁講返晒出黎,所以我好肯定佢就係我死左o個個契家姐.我同呀爸呀媽喊到收唔到聲,佢仲識得叫我燒部電腦俾佢(佢生前非常鍾意玩電腦),於是我地就照佢意思燒左好多野俾佢,之後佢就無聲無息咁走左.
之後個神婆清醒返,佢同我地講話原來之前一晚佢已經見到我契家姐企左o係佢間店外面,但係佢以為只係D遊魂所以無理到佢.到後來先知原來佢就係我個契家姐.佢仲即刻應承同佢做場法事超渡佢.
就呢件事令我相信原來真係有問米同鬼上身呢D事架. |
發表於 2005-5-9 06:11 PM
| 
