有個問題想問好耐‥ 男朋友

ｄｉ冰

我有一個男朋友...同佢一齊2年幾多了
但係有一單野....好似令到佢唔再彩我...
我個fd屈我話想同佢散~....之後我條仔好似信...我打比佢啦~我問佢我係咪好煩..佢話幾啦..之後佢好唔耐煩咁∼之後我講過句：「唔想傾咪唔好傾囉」之後我同佢講對唔住..佢又唔聽..
果日開始計起∼我地好似唔識對方咁∼電話冇個.....見都冇見
信？我有寫過...佢冇回到...之後佢d同學講起我....佢好似個樣好似唔開心咁...
之後我過左一排再打比佢搵佢..佢又好似好唔耐煩咁樣~傾唔夠５分鍾就收左線...
呢排∼我個ｆｄ係佢ｉｃｑ到講起我∼佢又叫我個ｆｄ唔好講我..
(佢好cool既...)
請問咁多位佢想點..?我add唔add佢icq好?點先有計同佢和好?同埋大家比d意見我ｔhx~~
我就想add佢icq先講...請問咁樣好唔好?

butn

你男朋友都只係一個男孩子罷了,
情緒好易受外界(尤其係朋友)影響,
好多野都會比人講多兩講就當係真.
但係講到話你想同佢分手呢件事, 正常黎講無理由佢會信,
因為, 如果你唔想同佢一齊, 你會o係好多方面都表現到出黎,
例如: 唔想傾電話, 唔想出街, 唔想見佢之類.........
你有無表現呢d野出黎呢?
有時候呢, 男仔覺得女仔煩, 可能係佢本身有野煩梗,
女仔唔"識趣"去搵佢就會撞板了..........
呢個時候你仲去icq佢, 死硬, 只會令佢ignore你
不如咁啦, 搵一個你信得過, 又識講野o既friend問佢想點吧,
就算死刑都要知點解咁判呀.
總覺得某人屈你唔係主要原因

csail

我認為最好同你ｂｆ問清楚係咩事....可能你bf同你有d誤會...何況你果fd同你bf講既野..
我估係人都有動搖...仲幣係你之後對佢講既野....有可能令你bf信你fd講既野都唔定.....
所以我認為你快點同佢講清楚好點!

ｄｉ冰

下面引用由butn在 2004/10/30 02:32pm 發表的內容：
你男朋友都只係一個男孩子罷了,
情緒好易受外界(尤其係朋友)影響,
好多野都會比人講多兩講就當係真.
但係講到話你想同佢分手呢件事, 正常黎講無理由佢會信,
...

請問......佢係唔係有第2個???佢d同學話佢唔係playboy果類...
但係我真係好驚......請問我個fd點問佢至好??我個bf好醒目....普通果d問題佢一眼可以睇得出係我叫fd幫我問....唔該哂...

butn

ha~即係你認為你o既朋友都唔夠醒目去幫你,
亦即係搵人幫手問呢類"多餘"o既動作係無用吧.
親自去問, 效果直接快知道結果,
但處理唔好只會令佢更加覺得你煩
(佢近來都唔想見你咁滯, 仲要去"攪"佢嗎?)
如果你自己親自約佢問清楚, 要保持心境平靜咁問,
你做唔做得到?
我都係男人, 如果要我代入佢男孩子思想,
我諗佢宜家未必有其他女友(有無人o係佢身邊出現就唔知啦),
反而覺得係你有d野令佢唔歡喜(eg 個性思想行為談吐等)
你要知道, 愛人態度有變未必關第三者時,
唔好忘記, 拍拖原本就係兩個人o既事,
所以諗野要由兩者關係諗起
(ps 想知你同你男友年齡)

ｄｉ冰

下面引用由butn在 2004/10/31 11:55am 發表的內容：
ha~即係你認為你o既朋友都唔夠醒目去幫你,
亦即係搵人幫手問呢類"多餘"o既動作係無用吧.
親自去問, 效果直接快知道結果,
但處理唔好只會令佢更加覺得你煩
...

我13...今年就14.......佢好似14~16左右上下...
同埋我有d驚知道結果...其實我等左佢差唔多半年喇......

sb1983

其實最好真係直接問，同埋如果你話佢D friend一提起你，佢就唔開心，我覺得佢可能對你有誤會，你重要等成半年先再同佢傾，其實係好大問題，因為一對情侶唔應該嬲半年羅。
可能佢已經唔當你係佢gf啦，最好直接去搵佢講清楚，唔好用電話之類既野講，如果唔係佢一逃避你仲要乜都問唔到。
講真，半年阿，你唔辛苦架？
最重要，你話佢好cool，ok佢對你既friend cool，你咪直接"自己"問佢羅，如果對你都係咁，咁我就唔覺得係cool，而係無責任心，因為佢曾經成認過你係佢gf就唔應該有呢D咁既野發生就即刻玩潛水，除非佢無誠落過做你bf。

jjjjjjj

下面引用由ｄｉ冰在 2004/10/31 06:08pm 發表的內容：
我13...今年就14.......佢好似14~16左右上下...
同埋我有d驚知道結果...其實我等左佢差唔多半年喇......

你等左佢差唔多半年?! 即係自果件事發生之後他對你不理睬的態度已經半年??
坦白講句，既然已經一齊兩年多，相信大家對對方都有一定程度的了解
如果你一直都是個稱職的女朋友
你男朋友仔應該不會受你朋友那句無謂的說話而動搖到佢對你的信任，繼而影響大家的感情、關係，你們之間或者是有其他問題，未必因為呢件事所以搞成咁...
你要比勇氣自己，主動向男朋友了解你們之間究竟發生什麼事
作為女孩子的一方，不一定要被動地等候男朋友發落呢!
愛情除了需要對方給予機會，還需要自己爭取!!!!!
始終拖住件事等佢出聲咪盞折磨自己
況且都一齊了這麼久，如果男方連解決問題的誠意都沒有
由得關係一直僵持下去
還值得你繼續為他煩惱麼?
所以，不需要想那麼多，諗什麼"有智慧"的問題不被對方拆穿
或要朋友幫你做中間人溝通喇，你係有能力去解決的，有勇氣的女孩子也是很吸引的!!
記住呢段感情只屬於你們兩個，是著緊的話就好好抓住...

。琳．

嘩＊
　　佢對你不瞅不睬﹏已經半年！？！？”
　如果要冷靜都夠晒啦。．”　你都係問清楚好Ｄ”

ｄｉ冰

下面引用由jjjjjjj在 2004/10/31 10:43pm 發表的內容：
你等左佢差唔多半年?! 即係自果件事發生之後他對你不理睬的態度已經半年??
坦白講句，既然已經一齊兩年多，相信大家對對方都有一定程度的了解
如果你一直都是個稱職的女朋友
你男朋友仔應該不會受你朋友那句無?..

嗯....如果真係問,用咩方法最好....ICQ行唔行得通..我要TEST唔出得街.....但係一問始冇可能講呢d先.....我想問男仔鍾意傾咩??
同埋好似上文提到....佢好似唔太鍾意同我傾咁...點好??
幾時打過去係最好既時間??同埋問佢野一係答唔知...一係就係唔講..