有冇人親眼見過人跳樓 恐怖, 心理, 跳樓

寧彩臣

我早兩日同班friend 講開跳樓...........
我有個friend 話............
佢曾經親眼見過...............
佢話放學既時候   係晚上(唔係好晚~好似係7-9點)
突然聽到 後面好大聲「BOMP」
跟住FEEL到有O的水(血)係隻腳度...........
如來汁邊啱啱有人跳左落去..................
佢話跳O個個人...隻眼係望實佢~仲好似係度笑咁
跟住隻手同隻腳係同個身分開左.............
個樣好恐怖WOR............
跟住我個FRIEND 話睇到LEO的咁既場面......係會永遠都忘記唔到.......
我個FRIEND話有去睇心理醫生GA................
咁我咪TRY 過.......所以問下........
你地有冇人見過............=.=''

管理員按：由於本文之內容跟聊天間其中一個主題內容相同，如出現這個情況都會把較新的題目刪除，如各位對這個題目有興趣，可到貴移玉步到聊天間繼續討論下去，謝謝。現本文將會上鎖！

CHUNG1219

下面引用由寧彩臣在 2005/12/19 11:34pm 發表的內容：
我早兩日同班friend 講開跳樓...........
我有個friend 話............
佢曾經親眼見過...............
佢話放學既時候   係晚上(唔係好晚~好似係7-9點)
...

哩個主題同鬼有何關係 ?
聊天間都有篇文同你一樣喎 ?

meilk999

下面引用由寧彩臣在 2005/12/19 11:34pm 發表的內容：
我早兩日同班friend 講開跳樓...........
我有個friend 話............
佢曾經親眼見過...............
佢話放學既時候   係晚上(唔係好晚~好似係7-9點)
...

去see~~~~~~see~~~~~~>>>http://www.cyberxfiles.com/cgi-bin/topic.cgi?forum=25&topic=5177

伯拉

你個FAN真真黑仔！！！！
不過睇你現在提供既資料，除左有陰影之外，好似無咩靈異發生過，甘算好了！
因為有人話，如果遇見突然死亡（無論系枉死、自殺、他殺、意外）既事件，第一件事就系：絕對絕對唔好望死者個樣或者距地對眼，因為有個講法系如果我地同死者對望，甘就好大機會令死者既鬼魂以為我地系距地既依附物，跟住我地，即俗稱既鬼纏身！
甘就系點解好多時D人會用報紙、紅白藍之類既大物件遮住死者既原因。
聽講如果比鬼纏手尾好長架，所以無論你有無機會遇上枉死既人，第一時間系轉身離開距視線範圍，呢個系最安全既做法！
所以你個FAN就算好彩了！

temple

我仲聽過，知道有人跳樓都唔好八卦走去睇；就算走埋去睇都唔好話∼∼∼好核突呀、恐怖．．．之類o既說話；如果唔係就好易比ｄ”朋友”上身咁話喎！

aso

樓主這個主题很熟口熟面，找了一輪，原來在 9/28 我曾經回應過第二個樓主近似的主題，唔介意就請各位分享多一次吧。  

我當時是一名警員，在我剛出學堂的 2 年軍裝歲月裡就曾親手處理過 3 宗跳樓 case，至今印像仍然深刻。
(1) 1989 年5月某天下午 4 點，當時我註守電器道銅鑼灣警署，現已清拆及歸北角警署管核。
地點勵德村德全楼，事主是一位阿婆，她的落點在一間幼稚園 V 字型的簷蓬頂，沒有半邊頭及臉，四肢尚在不過拗曲得不似人型，當時我還耍在屋頂幫救護員執死者的器官及抬返死者落地坐白車運送醫院再送去西環殮房，被扣紀律評級都要講，當時我真的好驚，接觸她的器官及身体那一剎那，手震得很厲害。但仍要苦撑。後知那位阿婆是厭病自殺。
(2) 1989 年尾冬天半夜 3-4 點，地點福元街後巷 (between 英皇道與電器道)，死者亦是一名阿婆，由於跳下來的楼層比較低，屍身尚算完整。仍記得當日上楼遂家遂戶拍門找死者跳楼的地方及找尋她的家人的情景，至 8 楼某室，拍門叫醒那家人並問那位戶主睇睇屋企齊唔齊人，後來同我地講佢阿媽唔見左，於是入屋調查，見到一隻打開的窗，探頭下去就是死者伏屍的位置，後经該戶主証實死者就是他唔見左的母親，原來當日是死者雙程証留港到期日。那家人大大細細當時都很傷心。
(3) 1990 年1-2 月左右某天早上，康澤花園某座，死者是一位阿伯，現場都很觸目騖心，死者是個胖子，肚部爆開，器官、腸、脂肪、血一地都係，最後當然要幫手執，需然有经驗，但我當時都很騖，手一樣好震。 後來知道他也是因病而厭世的。
事隔多年，希望這 3 位事主怨氣已消，早登極樂。

celiaw

我的哥哥見過，以前住石硤尾7層高無電梯的舊公屋，有一天，哥哥與朋友在4樓的走廊聊天，哥哥與朋友平排，身體貼近走廊石屎欄邊，雙手放在石屎欄上(兩人姿勢一樣)，突然有東西由上跌下並碰到我哥哥的手臂，哥哥立即向下看看是什麼，原來有女子跳樓，哥哥說應該是那女子在跌下時的手部碰到他，後來知道那女子有精神病。

水•龍王

我記得果次係我小六時發生果晚我一開窗就有個黑跌落街之後就聽到一下聲就係果個人跳樓落地果下聲事後幾個月間屋長沙灣(春輝大夏)就唔知點解好多黑色一粒粒既野同全屋人都一日比一日黑所以好快就搬走左喇

仇愁

..............細個時見過
大約3,4年級
見到唔識驚
之後同阿媽講就開始驚
而且,睇完你地d野,
有少少擔心
因為當時我有望住個人對眼
唔是好記得
但是好似望左好耐= ="
同埋細個有時會睇到d黑影.......
而家就冇
但我想問...萬一對方真係以為我是它的依附物,我會點?
同埋我可以點??

基斯丁

我係小學6年級睇過...
不過係離遠睇ga...
果陣返到學校無幾耐...
聽到好糟..就行左出去學校個小花園.
一出到去..望過對面棟樓(即係我屋企果棟)
有舊白色物體以高速向下墮.....
後來先知有人跳樓..由12樓向下跳....
我離遠睇都仲好..後來知道原來我阿爸係度圍觀個女仔...
我阿媽又經過望左一眼..  =.=
基本上我地全家都望到..
我地同佢仲要同一個單位.唔同層數果隻...
所以佢跌落去果個位..我地係窗度望落去就係果個位...
好彩咁0岩撞正搬屋...本身無咁趕..發生呢件事..我都唔理新屋有無床..
就去左新屋訓..不過我阿婆仲係舊屋訓左一晚..
佢第二日一朝就?晒野過去新屋..問佢點解....佢又唔肯講...而家都唔肯講呀...