網民講鬼故
原來唔止人會係快餐店食人口水尾 標籤 : 快餐店 , 長沙灣 , facebook , 影相 , 電話 , 鬼來電 , 手機 , 影相 【Cyber X-Files網民經歷】我晏晝係大家X到等位,有一家四口霸住張檯唔走。我拎起部電話影低佢地諗住po上facebook。po完知後我打咗一個冷震,即刻delete返張相...... 依家啲人成日話網絡公審,我以前都好鐘意影人啲缺德行為。兩年前發生咗一件事之後,我再唔敢亂影人。 兩年前一個下午,我呀姨叫我去佢長沙灣一個屋邨嘅屋企到幫佢整wifi。佢話個wifi無啦啦上唔到網,我就去幫佢睇下。整完之後,佢話請我食大家X下午茶,我就跟佢落去。 我本來都唔好意思要佢請,不過佢係咁話請,叫我去搵位。咁我去搵位啦,點知咁大間快餐店要搵兩個位都咁難,仲要係閒日喎。 係快餐店等位,梗係搵啲就嚟食完嘅人埋手。企係佢則邊熠熠揚揚,等佢唔好意思嘛。 我見到最埋個角落有一家大細,一個應該係老豆,一個應該係老母。仲有一個年約十歲嘅細路同一個八十幾歲嘅呀伯,我估係佢呀爺啩。佢地台面上面嘅飯都食完咁濟,佢地已經停晒手腳,坐咗係到。 我心諗,啲香港人咁鬼乞人憎嘅,食完都唔走。我拎起電話就影鬼咗佢地po上facebook。我仲打咗句:「食完仲唔走,又係土地問題啦!」 呢個時候,我呀姨已經買完,拎緊野過嚟。佢問我做乜有位唔坐,我啱啱掛住㩒電話,嗰家人已經走咗。佢叫我拎開啲食物盤,佢就放低咗我個餐在去櫃面拎嘢食。 我係呢個時候坐低再睇下自己個facebook。我見到頭先張相,果家人四個人個頭都「dup」低咗,睇唔到個樣,佢地好似係到索緊啲食物咁。我心諗,咁啱得咁橋姐.... 點知隔嚟檯食完走咗之後,我眼尾睄到....頭先果家人又坐返低....係到「索緊嘢」.... 我即刻驚到即刻上facebook delete張相,然後delete埋電話個底。果幾分鐘裡面有無朋友睇到我張相,我真係唔知,但係我以後都唔敢亂咁影人。 細個嗰時曾經見過啲老人家係快餐店食人食剩嘅飯...原來唔止人會食人口水尾.... | ||||||||||||||
| ||||||||||||||