網民講鬼故
我係後巷執咗把遮嚟用...之後舐嘢...
標籤 :
雨傘 , 上環
我係後巷到執咗把遮,拎咗嚟用之後
香港夏天成日都落大雨,好多時出街都要帶住把遮,有時都幾麻煩。有一日,我返工唔記得咗拎遮,下晝就開始落雨。我落去公司樓下食煙嗰時,見到後巷有把黑色遮係到,我就心諗拎咗佢一陣放工咪有遮用囉。嗰時五點半,我諗住食埋枝煙返上去就走,一陣落嚟先拎把遮啦。其實把遮我有印像見到佢係果到幾日㗎喇,我諗應該係有人掉係度。
我落到嚟嘅時候,個天已經黑得好緊要,後巷有小小簷蓬,我望下兩邊有無人先,跟住跑過去拎咗把遮。我打開把遮睇下,用得喎,正。我拎住把蔗就走咗。
嗰晚我直接就返咗屋企,我屋企係上環嗰頭,出地鐵站之後我開遮用,行到東華三院附近有間廟。我見到廟外面有個長髮白衫女人指住我,頂,我知道舐嘢喇。
我扮見唔到,諗住掂行掂過就算。返到去入到(車立),度門閂埋之後我見到把遮比一執好長嘅頭髮纏住,頭髮俾(車立)門夾住。我明明㩒咗(車立)㗎,但㗎(車立)唔上唔落停咗係地下。我㩒極都唔上,我就㩒開門掣出返去,一開門我就掃咗啲頭髮落條拏到。看更問我,你做乜呀,我見你係㗎(車立)到開遮嘅。
我好鬼驚,我話:「係呀,把遮壞」,然後即刻掉咗把遮係大堂垃圾筒,因為我明明無開過把遮。真係唔好亂㩒執啲遮嚟用!
|