|
網民講鬼故
尖沙咀有個淨係可以屙尿嘅厠所，我係嗰度撞過嘢 標籤 : 金巴利道 , 尖沙咀 , 公厠 , 洗手間 【Cyber X-Files網民驚歷】尖沙咀有個淨係可以屙尿嘅厠所，我係嗰度撞過嘢。 揸的士，最緊要知邊到有廁所，人有三急有時搵個樽屙都要㗎喇。揸夜間的士，成日都撞到嘢。嗰啲公廁好鬼恐佈，有時真係唔係好想去。 我以前聽行家講，尖沙咀有個金巴利道有個厠所淨係可以屙尿。 有一次，我係尖沙咀人有三急就諗起嗰個厠所有得屙尿。我揸到去嗰度停低咗。我跑到埋去，見到門口有個大媽係厠所門口，佢對住門口，背住我。我心諗，半夜三更要排隊？殘厠嚟㗎？ 我望下個牌「金巴利道尿厠」，有個男厠公仔。我心諗：「妖，男厠ONLY，走開啦呀嬸。」 我話：「唔該借借。」 跟住，佢行開咗，我都係無見到佢正面。 我當時好急，拿拿淋入去倒水咁屙，屙完出返嚟就跑返上車。我準備開車嗰時，我又見到嗰個女人企返埋去。 我覺得好奇怪，唔通個女人想去厠所，嗰度又無女厠，佢想等無人嘅時侯偷偷地入去屙？都無用㗎，入面得尿兜。 我唔理佢啦，諗住撻車走。 呢個時侯，怪事發生喇，我撻極都撻唔著㗎車。 我心諗死啦，點算呀我仲要開工㗎。 我打開晒車頭蓋睇睇，好彩嗰個「金三角」位間唔中都有啲行家經過見到佢走嚟幫我。 佢問：「我你頭先去厠所嚟呀？」 我話：「係呀。做咩嘢呀？」 佢話：「呢個厠所唔去得㗎。你call拖車啦。」 我當時唔明佢講乜嘢，我攪咗成晚都無辦法，唯有call拖車啦。 跟住拖車拖咗去車房，第二朝車房個師傅同我講架車乜事都無喎。 我心諗，唔係咁邪呀。 後來，我聽返啲行家講，果個公廁聚得陽氣太多，家上個「金三角」位型成個「旋渦」咁，係咁吸啲男性的士嚟。陽氣太多，正所謂純陽不生，純陰不長，去嗰度屙尿好易出事㗎。 我試過係嗰喥舐嘢...唔到我唔信！ | ||||||||||
 | ||||||||||
 | ||||||||||
| ||||||||||
