網民講鬼故
錄音室成日撞鬼 有過細路女唱歌好難聽...係個老豆逼佢唱... 標籤 : 錄音室 , 小朋友 , 唱歌 我係教會錄音室到做錄音師,個錄音室基本上咩人都服務嘅,經常都會有人錄廣告VO啦,啲band錄歌玩下啦,教會啲人錄詩歌啦咩都有。 錄歌嘅時候聽到怪聲,有人喊,呢啲我都試過。試過有次錄到好夜,兩點幾,我係head phone到聽到有把女人聲講,嘈夠未呀?之後一路播返出嚟都係沙沙聲,我勁尷尬之下岸排嗰間廣告公司第二日再錄過。 廣告公司嘅人第二朝打嚟喪鬧我,我係咁講唔好意思。唔通我講,有鬼呀所以錄唔到呀。 又有次有個家長覺得自己小朋友唱歌好好聽,佢自資租錄音室嚟幫自己個女錄歌,應該會自資出碟掛。 我讀音樂出身嘅,老實講佢個女唱到五音不全,真係好鬼難聽。佢嗰日唱嘅係鄭秀文嘅上帝早已預備,一聽就知係教會嘅朋友。 做咗咁多年,啲人係真係好鍾意唱歌,同想唱歌一睇就分得出。呢個女仔,唱歌嘅時候一直望住佢老豆,我睇得出呢個女仔其實一啲都唔鐘意唱歌。 想同鐘意係兩回事,一個人又想又鍾意唱先會唱得好。慘在佢老豆覺得佢唱得好好聽,我就咁忍咗成個鐘。 唱到有次:「上帝早已預備」,佢甩咗跟唔到,我見到佢望住佢老豆個方向反白眼停咗。我第一個反應梗係望下我身後嘅佢老豆,跟住...頂.... 原來個細路唔係因為咩嘢望住佢老豆,而係因為佢老豆後面企咗個白衫無腳無表情嘅男人。 個細路女見到我見到個男人,佢係到擰頭... 我嗱嗱淋錄完即刻走人,個個男人係佢地走咗之後就無再出現過。 | ||||||
| ||||||