網民講鬼故
我講咗個鬼故 之後我女朋友嬲咗我 標籤 : 月事 , 月經 , 女人 【Cyber X-Files 會員驚歷】話說廿幾歲嗰陣,我成日去我女朋友屋企瞓。嗰時佢住喺荃灣福來邨。有一晚我喺床上面無啦啦同佢講咗個鬼故,大概係話有同事係屋企從來都唔準掉啲M巾係屋企垃圾筒,要直接包住佢掉出去樓梯垃圾筒。女同事一直唔知點解,直到佢個有陰陽眼男朋友去到佢屋企話,原來佢呀媽一直知道屋企有個男人係到,女同事個男朋友話啲血會趕走嗰個男人。我聽完當笑話講俾我條女聽,結果佢嬲咗我...... 我心諗,呢個擺明笑話嚟喎,你唔係驚呀?佢唔鬼理我,一直沉默到第二朝。 第二朝,我返到公司打俾佢,問佢琴晚做咩事嬲。佢就依依哦哦咁......佢問:「你知我知我M到(月事)?」 我話:「我知呀。」 佢話:「知你又講埋啲咁嘅嘢?」 我話:「我見到你垃圾筒有M巾(衛生巾)先同你講嗰嗰鬼故之嘛,唔好話鬼啦,男人見到都唔老黎啦。」 我以為只係一次普通嘅鬧交。 點知夜晚見到佢嘅時候,佢仲係到黑口黑面。 我就問佢:「其實你係咪好驚啫?」 佢話:「唔係呀,不過你知唔知其實我每次M到我都會見到嗰啲嘢?」 我即時心寒咗一下,我話:「吓?你講真㗎」 佢話係。 我話:「咁你琴晚見到?」 佢話:「係,坐咗係你則邊!」 我心諗,痴線,鬧交唔洗講呢啲呀,M到大晒咩?佢問我:「咁你今晚仲嚟唔嚟瞓?」 咁我話:「唔嚟喇!」 佢話:「你鐘意啦!」 我嗰刻就真係唔係話驚,不過現場氣紛好差,我真係唔想過去瞓喇。 結果,食完飯我搭車返屋企,返到去我打俾佢,佢未接電話嗰時,我聽到電話裡面有把男人笑聲...... 我呢刻信喇,我真係以後唔禁去佢屋企。 之後我地再講返呢件事,佢話,佢屋企不嬲都有,M到嗰時可能陰氣重,佢梗會見到。佢知我會驚先唔講俾我聽...... | ||||||
| ||||||