|
網民講鬼故
奇幻電話你有無聽過？唔知對方係邊個都講成粒鐘你一定試過 標籤 : 電話 80後的朋友，以前細過你有無聽過只要你係淩時12時撥打12個12，你就會接通陰間。少年人好奇，好多人都打過呢個電話。長大後知道，撥打12個十12，根本不可能，以現今數位電話發達，此說實在無稽。 在家用電腦和互聯網未普及之時，家居電話是對外即時互動聯繫的主要方法。電話還未有來電顯示之前，連誰人致電你都可能弄出笑話，甚或被騙徒欺騙。 有時候，你拿起電話正欲撥電時，聽到有人說：「喂？喂？喂？」 你會問：「你邊位呀？」 有時朋友間開玩笑會說沒有撥電，相方互問：「你做乜打俾我？」 呢啲無聊小學雞玩意，以前無手提電話，少年人返到屋企就係同屋企人爭用電話。 有一位Cyber X-Files的網友，佢十四歲果年夜晚八點幾係家人睇電視嗰陣佢就成日係主人房部分機到講電話。有一次佢照常想打俾同學「煲電話粥」，佢一拎起電話就有個人係到：「喂？喂？喂？」 嗰把係一把呀婆嘅聲任。以前，好興有啲內地遠房親戚打嚟家嘛，佢就以為係親戚。 大家互喂幾聲之後，嗰個婆婆就突然講：「呀穎，你做咩唔返嚟呀？」 呢為朋友正正叫「呀穎」，佢心諗，佢意思一定係問佢點解唔跟屋企人返大陸？ 以前最興答：「要考試丫嘛？」 你有無試過糊裡糊塗同陌生人講咗成個鐘？呀穎就係咁講咗成個鐘。 佢好記得果晚電視播住城市追擊係8點半開始播，但係佢講完電話之後佢望下個鐘，出到去廳見到電視仲係做緊城市追擊，而且啲片斷好似睇過咁。 呢種現像可能好多人都經歷過，科學就解識為左右腦活動唔協調所致。而當時電話又無詳細通話紀錄俾你查，好多呢啲「鬼異電話」案件死無對證。 呀穎嘅奇異經歷不同在，這個婆婆經常都打去佢屋企，而聽嘅人咁啱都係佢，佢從來都無問對方係邊個。佢地次次都係講埋「啲做咩唔返嚟？」，「做晒功課味？」，「呀媽做緊咩？」，「食咗飯味？」其實唔出奇丫，以前個世界係咁，當你真係同呀媽講起呢件事，呀媽就問佢：「邊個嚟㗎？無可能，係咪搭錯線呀？都無呢個親戚，咪亂咁同人講電話！」 如是者，呀穎就每日係到等呢個呀婆打嚟，諗住佢一打嚟就鬧佢。 終於有日嗰個呀婆有打嚟，佢問：「你究竟喺邊嗰？」 呀婆話：「衰女，我係你呀媽呀！」 呀穎就大叫佢呀媽：「媽咪，嗰個呀婆又打嚟喇！」 佢遞個電話俾佢呀媽聽，佢呀媽一聽，個電話就梗係無聲，佢聽到沙沙聲咁啦。 呢個時侯係屋企大廳佢地突然發現，佢呀嫲張相，變咗白色。 佢地深信，打嚟嘅係呀穎從來未見過，過咗身十幾年嘅嫲嫲。 當佢想再次證實嘅時候，佢等咗成個月，呢個呀婆都無再打嚟。 呢啲奇怪電話經歷，好多人都經歷過，而家一天都係飛機，週街都係電腦。你手入面嘅電話，如果有古怪，查返紀錄就一天都光晒。但係人生裡面，你總會有一兩單經歷，你講無人信，查無法證實。你又有無呢啲經歷？有就係Facebook PM我哋啦！https://www.facebook.com/cyberxfiles/ | ||||||||||||||
 | ||||||||||||||
| ||||||||||||||
