網民講鬼故
紐約洗衣店奇幻經歷 食完糖一定要俾錢
標籤 :
紐約 , 洗衣店 , 硬幣
【Cyber X-Files網民驚歷】細個嗰時住係紐約，我經常去姑媽在曼哈頓開嘅洗衣店。每次去到，我都會拎佢檯面嘅糖食。
佢個服務櫃檯上面，有一個捐款箱，美國嘅收銀櫃檯前通常都有一個捐款箱俾人將找續碎銀放入去作捐款之用。
洗依店檯頭有啲糖，除咗捐款箱裡面有錢，檯頭仲有一啲碎銀，係平時姑媽係洗衫嘅時後，啲人啲衫袋褲袋跌出嚟嘅碎銀。我記得姑媽同我講過，食完檯面啲糖，要入返啲錢落去個箱度。細個佢會捉住我隻手，將檯頭銀仔入落去捐款箱。
捐款箱係捐俾邊個機構，我已經唔記得，但係我記得試過一件怪事。有一次我食完粒糖無入錢落捐款箱，我突然間就見到牆角有個教士咁款嘅白人老人企係到望住我。
我好驚，我唔知我做錯咩事，我驚咗成個晏晝。我差啲喊咁濟咁同我姑媽講，有個呀伯望住我，嚇到佢提早落閘收鋪帶我返屋企。
話說，嗰啲銀仔好邪門，姑媽佢執到人地衫褲漏低嘅銀仔都唔會自己拎嚟用，一般都會入落個捐款箱到。嗰啲糖其實係跟住個捐款箱派發嘅，就好似香港人賣旗咁。
其實我嗰時，仲未意識到我食完糖無入銀個呀伯就會出現。後來幾個星期之後，我再去姑媽鋪頭，我又食糖，又無入銀，個老伯又出現。
嗰次我無話俾姑媽聽，我以後唔再敢拎啲糖嚟食。可能個呀伯係覺得我食完糖唔「捐錢」啦。
|
